Зууны манлай, Монгол Улсын гавьяат жүжигчин, дуучин Б.Сарантуяа өөрийн бие даасан 20 дахь “Сэхүүн салхи” цомгоо өнгөрсөн сард гаргаж нийслэл хотноо болон дөрвөн аймаг Европын зургаан улсад аялан тоглолт хийсэн билээ. Харин энэ удаад Солонгос улсад тал нутгийн салхийг дуучин Ч.Цэлмүүнтэй хамт сэвэлзүүлэхээр болсон. Тэгвэл түүний мөнхийн өрсөлдөгч гэгддэг Монгол Улсын гавьяат жүжигчин, дуучин Т.Ариунаа АНУ-д ажиллаж, амьдардаг монголчуудтайгаа “Нандин учрал” тоглолтоор уулзахаар болсон байна. Энэ тухайгаа фэйсбүүк хуудаснаа ийн бичжээ. “Та эх орныхоо хаана ч төрсөн бай унасан газар, угаасан ус чинь Монгол. Та энэ дэлхийн аль ч өнцөг булан бүрт ажиллаж амьдарч байсан ч зүрх чинь Монгол. Таны хүсэл, тэмүүлэл, итгэл үнэмшил чинь Монгол. Хамгаас эрхэм, хамгаас нандин бүхэн тань Монгол. АНУ-ын Chicago, Denver, Seattle, Washington DC, San Francisco хотын хөх тэнгэрт миний дуунууд эгшиглэх болно оо. “Нандин учрал”-аар уулзацгаая, Намайг хүлээж байгаарай” гэжээ.
