Олон дээд сургуулийн тусгай зөвшөөрлийг хүчингүй болгоход, тоог нь цөөлөхөд хувь нэмрээ оруулсан аттестатчиллын буянаар их, дээд сургуулиуд өнгөрсөн жилээс л нэг цэгцэндээ орсон. Өнгөрсөн жил аттестатчилалд хамрагдсан их дээд сургуулиудын зарим нь ирэх сарын 1-нээс үйл ажиллагаагаа зогсоох юм. Тухайлбал, “Хантайшир” коллежийн сургалтын ажил эрхлэх тусгай зөвшөөрөл нь ирэх сарын 1-нд цуцлагдана гэсэн үг. Мөн “Улаанбаатар Эрдэм Оюу” дээд сургуулийн Эдийн засаг, Бизнесийн менежмент мэргэжлээр магистрын, Нягтлан бодох бүртгэл мэргэжлээр бакалаврын орой, эчнээгээр сургалтын ажил эрхлэх тусгай зөвшөөрөл нь ирэх сарын 1-нээс цуцлагдах юм.