Беларус улсын Ерөнхийлөгчийн сонгууль өнгөрсөн амралтын өдрөөр болж А.Лукашенко ялалт байгуулав. Тэрээр ийнхүү тав дахь удаагийн албан үүргээ хүлээн авахад бэлэн боллоо. Нобелийн шагналд өөрийн бүтээлээр уран зохиолын төрөлд өрсөлдсөн Беларус улсын Ерөнхийлөгч А.Лукашенко сүүлийн 21 жил тус улсыг удирдаж байна. Энэ удаагийн Ерөнхийлөгчийн сонгуульд 83,5 хувийн санал авснаар Минск даяар баярын үйл ажиллагаа эхлэв. Түүнийг сонгосон сонгогчид бүгд баяр хүргэж, улсын хэмжээнд баярт үйл явдалд болж байгаа нь ОХУ-д таатай мэдээ дагууллаа.
Санал хураалтын үр дүнгээс хамаарч улс төрийн байдал өөрчлөгдөх найдвар бага ч байгаагүй. Анхнаасаа А.Лукашенко түрүүлэх нь тодорхой сонгууль байсан талаар эх сурвалжууд мэдээлж байна. Учир нь түүний нэр хүнд, улсын хэмжээнд асар өндөрт хүрсэн бөгөөд иргэд ч түүнийг маш их дэмжиж байдаг билээ. Түүнтэй өрсөлдсөн сөрөг хүчний тэргүүн ч бууж өгөн ялалтыг нь хүлээн зөвшөөрсөн.
ОХУ яагаад баяртай байгаа гэвэл ОХУ-ын цэргийн бааз Беларус улсад байрлаж болно гэсэн мэдэгдэл хүчинтэй болж байгаа юм. Тэрээр хамгийн сүүлд 2010 оны сонгуульд 79 хувийн саналтай ялалт байгуулж байсан талаар эх сурвалжууд мэдээллээ. Ийнхүү олон жил Беларус улс А.Лукашенкогийн удирдлага дор хөгжин дэвжих нь ойлгомжтой болж байна.
