Монгол Улсын гавьяат жүжигчин Б.Батзаяа өчигдөр нийслэлийн төв талбай Чингисийн талбайд, Төрийн ордны өмнө чимээгүй эсэргүүцэл илэрхийлж зогслоо. Тэрээр “Ерөнхийлөгчийн хоригийг хүлээж ав. Хуульчилсан тонуул дээрэм хийхээ болиоч. Ямар ичдэггүй юм бэ” гэсэн уриа барьж ганцаараа зогссон юм.

Гэтэл нэг цагдаа очоод “ Наад үйлдлээ зогсоо. Та хууль зөрчөөд байна” гэсэн шаардлага тавьж байх юм.
Жүжигчин Б.Батзаяа өөдөөс нь "Үгүй би ямар хуулийн ямар заалт зөрчөөд байгаа юм бэ" гэхэд өнөөх цагдаа нь хариулж чаддаггүй гацаад "Та хууль зөрчөөд байна" л гэх юм, зайлуул. Хуулийнхаа зүйл заалтыг мэдэхгүй ийм цагдаа, магадгүй офицер ч байж мэдэх ийм хүмүүс ажиллаж байгаа манай цагдаа ер нь ямар байгууллага вэ. Бүхий л хуулиа мэддэггүй юм гэхэд очиж байгаа хэрэг, зөрчил, үйлдлийнхээ тухай хуулийн ганц заалтыг уншаад очихоо мэдэхгүй ийм хүмүүс ер нь хүн дарамталж авилга авахаас өөрийг мэддэг юм гэж үү.
Тэгээд ч жагсаал, цуглаан  гэдэг чинь олон хүн оролцсон, олон тоог төлөөлдөг үг гэдгийг, монгол хэлээ мэдэхгүй энэ цагдаа юугаа ойлгох вэ дээ. Ганц хүнийг чинь жагсаал, цуглаан  гэх үү.
Ер нь энэ цагдаа нар жаахан юм уншиж, тэгээд хүнтэй зөв, мэдлэгтэй  харьцаж сурвал зүгээрсэн. Төрийн хар хувцахсаар түрээ бариад л бүдүүлгээр хашгичаад байх нь ямар юм бол.....Ядаж л очоод мэндийг нь мэдээд, үнэмлэх бичгээ үзүүлээд харьцаж сураасай билээ.