Оросын дайчид ерөнхийлөгч Башар Асадыг нь хамгаалахын төлөө Сири лүү цэргүүдээ илгээж байна хэмээн Сирийн засгийн газрын дэмждэг телевиз мэдээллээ. Гурван минутын дүрс бичлэгт сирийн армийг зөвхөн оросын зэвсэгт хүчинд л байдаг хүнд хуягт машинууд дэмжиж байгааг харуулжээ. Дүрс бичлэг дээр оросоор ярих нь сонсогдож байсан гэж The Times сонин баталж байна.

Латакиягийн бүсэд болсон тулалдааны үеэр авсан энэ дүрс бичлэг дээр үнэхээр оросын зэвсэгт хүчинд дөнгөж өнгөрсөн жил орж ирсэн БТР-82А явж байгаа нь харагдаж багийнхан нь оросоор ярьж байгаа нь сонсогдож байна.
“Тийм ээ энэ бол орос хэл, яг дүрмээр нь зөв ярьж байна” гэж Royal United Services Institute-ийн  цэргийн шинжээч  Игорь Сутягин хэлжээ. Сутягин бас өнөө хүртэл оросууд байлдааны ажиллагаанд хэзээ ч шууд оролцож байгаагүй гээд энэ бол Оросын байнгын армийн дайчид юм уу, жинхэнэ орос гаралтай хүмүүс  байна гэж.

Хэвлэл бас наймдугаар сарын 20-нд оросын “Николай Фильченков” гэдэг цэргийн хөлөг онгоцыг Босфорын буланд байхад нь авсан гэрэл зураг дээр оросын хуягт техникүүд байсныг  сануулсан байна. Тэр хөлөг удалгүй  сирийн Тартус боомтод очсон билээ. Оросын хөлгүүд цэргийн зэвсэг техник ачаад Стамбулаар дамжин Сирийн хил рүү нэвтэрсэн нь анхных биш.
Тартус нь оросын цэргийнхэн сирийн офицеруудыг дадлагажуулдаг Газар дундын тэнгис дэх  Сирийн цорын ганц цэргийн бааз.

Латакид байгаа сирийн босогчдын төлөөлөгчид уулын Сланфех хотод оросын блогчид байгааг ч бас хэлж байна. “Оросууд бүр хэдийнээс энд байгаа. Сүүлийн үед бүр ихэссэн. Тэднийг цэргийн ажиллагаанд оролцож байгааг ч мэдэж байгаа” гэж “Сирийн чөлөөт арми”-ийн нэгдүгээр дивизийн төлөөлөгч хэлсэн байна.
Сирийн босогчдын Syria.net сайт бас  Оросын цэргүүд Латакид  ерөнхийлөгч Башар Асадын дэглэмийг хамгаалахын тулд хамгаалалтын бүс байгуулахад шууд оролцож байгаа гэж мэдээлжээ.
Үүний өмнө Washington Post сонин бас Сири дэх байлдааны ажиллагаанд оросууд шууд оролцож байж магадгүй гэсэн бол Сири дэх “Аль Кайда”гийн салбар “Фронт аль-Нусра” оросын сөнөөгч Су-34, болон нисэгчгүй онгоц байж болох дөрвөн ч гэрэл зургийг  нийтэлсэн юм. Энэ зургуудыг сирийн Идлиб мужид авсан гэжээ.
   
Энэ мэдээллээс хоёр хоногийн дараа израилын YNET сонин бас Сирид ирсэн оросын цэргийн нисэх хүчний сөнөөгч онгоц, нисэгчгүй аппаратууд Башар Асадад заналхийлж байгаа сирийн босогчид болон “лалын улс”-ын байрлалд ойрын үед цохилт өгнө гэж мэдээлсэн юм.
Хэрэв ерөнхийлөгч Башар Асадыг огцруулбал тус улс дахь иргэний дайн төгсөнө гэдэгт Сирийн үндэсний хувьсгалт хүчний эвсэл, сөрөг хүчин, Ардчилсан  өөрчлөлтийн төлөөх үндэсний зохицуулах хороо нь санал нэгтэй байгаа юм. Харин ОХУ өнөө болтол Башар Асадыг дэмжсээр байгаа нь энэ.