Химийн салбарынхны чуулга уулзалт болж, хурлаараа Монголын химич, химийн инженер-технологичдын холбоо байгуулжээ. Өнөөгийн өндөр хөгжилтэй орнуудын хөгжилд химийн аж үйлдвэрийн салбар чухал үүрэг гүйцэтгэдэг. Монголд уг салбарыг хөгжүүлэхийн тулд шинээр байгуулагдсан Химич, химийн инженер-технологичдын холбоо нь төр засаг, хувийн хэвшлийнхэн, гадны хөгжилтэй орнуудтай хамтарч ажиллах юм байна. Тус холбооны Ерөнхийлөгчөөр УИХ-ын гишүүн Д.Ганхуягийг сонгожээ. Тэрбээр Япон улсын Киото хотын Политехникийн дээд сургуулийг хими технологийн инженер мэргэжлээр төгссөн юм байна.
Монголын химич, химийн инженер-технологичдын холбооны тэргүүнээр ШУТИС-ийн Материалын технологийн сургуулийн захирал, Ph.D П.Мөнхбаатарыг сонгожээ. МУИС-ийн Хими, химийн инженерийн сургуулийн профессор, Шинжлэх ухаан үйлдвэрлэлийн “Мон химо” компанийн эрдэм шинжилгээний төвийн захирал, Ph.D Д.Дэмбэрэлнямбуу, ЭБЭХ-ний дэд сайд Ц.Гарамжав, ЭБЭХЯ-ны Түлшний бодлогын газрын орлогч дарга Н.Болдхүү, “Эрдэнэт үйлдвэр” ХХК-ийн Чанар хяналтын хэлтсийн лабораториудын чанарын менежер Н.Хандсүрэн, “Монос” группийн ерөнхийлөгч, Ph.D, проф. Л.Хүрэлбаатар нарын 15 эрдэмтэн Монголын химич, химийн инженер-технологичдын холбооны Удирдах зөвлөлийн бүрэлдэхүүнд сонгогдсон байна.
