Манай улсад мотоспорт үүсч хөгжсөний 60 жилийн ой тохиож байгаа билээ. Энэ хүрээнд мотоспортын мастер П.Бямбаа агсаны нэрэмжит Улаанбаатар хотын аварга шалгаруулах мотокроссын уралдааныг таван ангилалд зохион байгуулж шилдгүүдээ тодруулсан юм.
Мотоциклийн 65сс ангилалд тэргүүн байрыг А.Алтжин хүртсэн бол хоёрдугаар байрт Б.Хонгор, гуравдугаар байрт П.Төрбат тус тус шалгарлаа. Харин 85сс ангиллын тэргүүн байрт Х.Баттүшиг шалгарч, Н.Итгэлхүслэн, М.Мөнххүслэн нар удаах байрт орлоо. Мотоциклийн 125сс ангилалд П.Мөрөн тэргүүлж Х.Мөнхболор, Б.Батмөнх хоёр, гуравдугаар байр эзлэв. Харин 250сс ангилалд ОУХМ Э.Халиунболд тэргүүн байр эзэлж Х.Тэмүүжин хоёр, Т.Баярмагнай гуравдугаар байрт шалгарсан байна. Улаанбаатар хотын АШТ-ий сонирхогчдын ангилалд Н.Төрхуяг тэргүүлж, Б.Энхжаргал, Түвшинжаргал нар удаалсан бол тус уралдааны тусгай шагналыг Сандагдорж хүртлээ.
