Хүүхдэдээ урам хайрлах онцгой боломж
Аав, ээжүүд долоо хоногийн таван өдөр толгой өөд татах завгүй ажиллаж, хүүхдүүд нь цэцэрлэг сургуульд эрдэм номын мөр хөөгөөд завгүй явдаг. Заримдаа хичээлээ хийсэн үү, гэрээ цэвэрлэсэн үү гэхээс өөр ярих ч зав хэн хэнд нь гардаггүй. Ийм байхад аав, ээжүүд хөвгүүд охиддоо сэтгэлийн урам хайрлаж байх зайлшгүй шаардлагатай.
Манай клуб амралтын хоёр өдөр хүүхдийн хамт ирж жүдо гэж ямар спорт байдаг, яаж хичээллэдэгийг үзэх төдийгүй хамт хичээллэх онцгой боломжийг танд гаргаж өгч байна. Олимп, дэлхийн медальтнууд, алдартнууд бүгд л нэгэн цагт яг ингэж жирийн заалнаас гараагаа эхэлж байсан. Үүнийг хүүхдэдээ харуулах, өөрөө урам зориг өгч хамт байх, хамт бэлтгэл хийх онцгой боломж гарч байна.
Аав, ээжүүд ч бас сурагч явсан, аль нэг спортоор хичээллэж явсан гэдгээ эргэн дурсахад хамгийн тохиромжтой газар бол манай клуб.
Манай клуб нь Монголын жүдо бөхийн холбоо, Монголын жүдогийн академитэй хамтарч үйл ажиллагаа явуулдаг. Иймд манай клубт Жүдо бөхийн академиэс багшлах аттестат авсан залуучууд, улсын аваргын медальтнууд мэргэжлийн өндөр түвшинд зааж сургана.
Аав, ээжийн хамт ирсэн хүүхдээс төлбөр авахгүй. Хүүхэд цаашид амжилт гарган урам зориг орохын хэрээр шат ахин мэргэжлийн түвшинд Монголын жүдогийн академид элсэн суралцах боломжтой.
Холбоо барих утас: 99114607
