Ингэж Польшийн ерөнхийлөгч Бронислав Коморовский үзэж байгаагаа өнгөрсөн ням гарагт Варшавы Замковой талбайд Үндсэн хуулийн өдрийг тэмдэглэх үеэр хэлсэн байна.
Түүнийхээр бол тавдугаар сарын 9-нд ОХУ-ын нийслэл Москвад болох Ялалтын баярын парад нь манай дэлхийн тогтворгүй байдал, тайван бишийн бэлгэдэл болно гэнэ.
“Удахгүй Москвагийн Улаан талбай дахиад л хуягт танкаар дүүрнэ. Саяхан дэлхий нийт, польшийн ард түмний нүдэн дээр хөрш Украин руу дайрч довтолсон тэр дивизүүд тэнд жагсана. Урьд өмнө  цэргийн зэвсэгт мөргөлдөөн өнөөгийнх шиг ингэж польшийн хилд ойртож байсангүй. Цэргийн энэ парад нь өнгөрсөн үеийн түүхийг биш өнөө үе, ирээдүйн сүр хүчээ харуулах гэсэн явдал. Ийм байдлаар тэд дэлхий дахины өнөөгийн тогтворгүй байдал, тайван биш нөхцлийг бүрдүүлж байна. Ийм нөхцөлд бид польшийн аюулгүй байдлыг хангах ёстой” гэж Коморовский хэлжээ.
“Баруун болон дорнын зааг дээр оршдогоороо Польш геополитикийн хувьд  ямагт төвөгтэй нөхцөлд байсаар ирсэн. Ийм болохоор бид түүхийн эмзэг туршлагыг ямагт санаж зөвшилцөл, эв нэгдэл хаана байна түүнийг л бэхжүүлэх ёстой. Өнөөдөр дэлхий дахин аюулын ирмэг дээр байгаа болохоор цаашид бид европын интеграц, НАТО-гийн ажиллагаанд идэвхтэй оролцох замаар барууны ертөнцтэй холбоогоо бэхжүүлэх хэрэгтэй болж байна” гэж Польшийн төрийн тэргүүн хэлсэн байна.