Умард Солонгост бага дунд сургуулийн сурагч, багш нарт гарын авлага болгож удирдагч Ким Чен Унгы хүүхэд насны тухай өгүүлсэн намтар ном хэвлэжээ. Сурагчид одоо ард түмний хайрладаг их удирдагч Ким Чен Ун нь бүр гурван настай байхдаа машин жолооддог байсан тунхай унших юм байна. Үүний зэрэгцээ 9 насандаа моторт завины уралдаанд орж умард Солонгост ажлаар ирээд байсан гадаадын нэгэн компанийн захирлыг гүйцэж түрүүлэн ялж байсныг ч энэ номноос унших гэнэ. Номын бичвэрт удирдагч Ким Чен Ун “ямар ч тохиолдолд, юуг ч ялна” гэсэн байна.
Ирэх хичээлийн жилийн сургалтын хөтөлбөр нь удирдагч Ким Чен Уны хувьсгалт тэмцэл, үр бүтээлч ажиллагааг судалж сурталчлахад чиглэж, сурах бичгүүд ч энэ чигэлэлээр гарна гэнэ.