Ирээдүйн эх бүр л хорвоод шинээр мэндэлж байгаа хүүхдээ тайван, тохилог газар, эмнэлэгт төрүүлэхийг хичээдэг нь мэдээж. Гэхдээ юмыг урьдчилан харж болдоггүй болохоор  яаж мэдэх вэ гэртээ, түргэний машинд төрөхийг алийг тэр гэхэв. Гэтэл үүнээс ч бүр санаанд оромгүй бэрх газарт хүүхдээ төрүүлсэн тохиолдол байна аа.

Метрон дотор

Америк эмэгтэй 24 настай Ванда Дуэно 2012 оны зургадугаар сард хүүхдээ Нью-Йоркийн метрон дотор төрүүлсэн байна. Тэрээр нөхөдтэйгээ уулзаад шөнийн 01,30 цагийн үед гэрээдээ харьж явж. Гэнэт бие нь эвгүйрэхэд метроны дуудах товч дарахад метроны ажилтнууд яаран ирсэн ч аль хэдийнээ шинэ хүн хорвоод мэндэлчихээд байжээ. Энэ үеэр метронд өөр зорчигч байхгүй, шинэхэн Либассуг хорвоод мэнлэхэд хэн ч саад болоогүй гэнэ.

Модон дээр

2000 оны хоёрдугаар сард Мозамбикт асар их үеэр болж 26 настай Софии Педро уснаас дайжин модон дээр гарч суужээ. Үер үргэлижл ус татрахгүй байсан болохоор тэрээр модон дээр гурав хоног сууж байхдаа охин Розитагаа гаргачихсан гэнэ. Азаар энэ үеэр  аврах нисдэг тэрэг ойролцоо өнгөрч эх хүү хоёрыг сагсаар татан авч эсэн мэнд аварчээ.

Авто машины уралдааны үеэр

Америкт бол машин дотор төрөх нь бараг байхгүй, тэр бүү хэл түргэний машинд ч үгүй. Харин Нью-Хэмпширийн иргэн Шона Арнольд зүгээр ч үгүй  бүр автомашины уралдааны үеэр машин  дотор хүүхдээ төрүүлсэн нэгэн. 2012 оны есдүгээр сард тэрээр төрөх гэж өвдөн нөхөртэйгөө  эмнэлэг рүү явжээ. Замдаа тэд авто уралдаан болж байсан New Hampshire Motor Speedway цэнгэлдэх хүрээлнгийн дэргэдүүр өнгөрч явтал юу юугүй хүүхэд гарах гэж сандаргасан байна. Тэгээд цэнгэлдэхийн дэргэд очтол азаар түргэн тусламжийн машинууд жижүүрлэж байх таарч, эмч нар бяцхан Катиг уралдааны машинуудын тэр их чимээн дунд эх барьж авсан байна.

Номын санд

Америкийн Денвер хотын иргэн 18 настай Доминика Тревино 2009 оны нэгдүгээр сарын өглөө төрөх газар луу автобусаар явж байжээ. Гэнэт хүүхэд нь юу юугүй гарах гэж байгааг мэдээд хэлтэл автобусанд байсан нэгэн түүнд тусалж буулгаад ойролцоох номын сан руу явсан байна. Номын санд дөнгөж ортол Доминика ердөө л орох хаалганы дэргэд хүүхдээ гаргачихаж. Ийн ирээдүйн уншигч  Сэрайя охин төрж дээ.

Цахилгаан шатанд

2012 оны аравдугаар сард Нью-Йоркийн 31 настай иргэн Нинфа Рамирез эмчдээ очиж  тун удахгүй төрөх нь ээ гэтэл эмч нь үзээд арай болоогүй байна гээд гэрээд нь буцаажээ. Тэрээр хариад машинаас буугаад гэрээдээ явтал нэг л таагүй болоод байж. Дөнгөж цахилгаан шатанд ортол гэрийнхээ давхарт хүрч амжаагүй байтал охин нь хорвоод мэндлэх нь тэр.