Оросын тамирчин Елена Исинбаева 2016 онд Бразилын Рио-де-Жанейро хотод болох зуны Олимпод оролцон гурав дахь удаагаа Олимпын аварга болохоор хөнгөн атлетикийн дэвжээндээ буцаж ирлээ гэж түүний дасгалжуулагч Евгений Трифимов хэллээ.
2014 оны зургадугаар сард охиноо төрүүлсэн тэрбээр Рио-де-Жанейрогийн Олимпоос алтан медаль авахын тулд төрөлх хот Волгоградад хоёрдугаар сарын 3-наас бэлтгэлээ хийж эхэлжээ.
“Эмэгтэйчүүдийн тулгууртай харайлтын дэлхийн дээд амжилтыг (5.06 метр) эзэмшигч түүний хувьд алтан медаль авахаас өөр зорилго байхгүй” гэж Тримифов ярьсан байна.
Оросын тулгууртай харайлтын тамирчин Елена Исинбаева 2004 оны Афины Олимп болон 2008 оны Бээжингийн Олимпоос алтан медаль хүртсэн бөгөөд дэлхийн долоо удаагийн, Европын хошой аварга билээ.
