Өвөл болдгоороо болчихлоо, хэдхэн хоноод ес эхэлнэ. Автомашинтай хүний хүсдэггүй зүйлийн нэг нь өвөл. Машинаа яаж хөргөчихгүй, хөлдөөчихгүй хонуулах вэ гэдэг асуудал. Ялангуяа өндөр үнэтэй дулаан гаражид машинаа тавиад байж чадахгүй дунд давхаргынханд. Тэгээд ч манай хотод тэр нь бас ховор, гэр сууцнаас хол.
Өгөлөө ажилдаа гарах болоход машиныг тань цас дарчихсан, мотор нь хөрчихсөн, цоож нь хөлдчихсөн байх нь энүүхэнд. Ийм үед та ямар арга хэмжээ авдаг вэ. Юутай ч дараах 10 аргыг хэрэглэх нь буруу гэнэ.
Хаалганы цоожоо онгойлгоход халуун ус ашиглах
Өглөө босоход хаалганы цоож чинь хөлдчихсөн нээж болохгүй болсон байвал халуун ус ашиглаж болохгүй гэнэ. Халуун ус цоожийг тань гэсгээх нь гэсгээх ч цоожийг гэмтээж зэврээн аажимдаа жагсаалаас гаргадаг юм байна. Цоожинд үлдсэн ус дараа өдөр нь дахиад л хөлдөхөөс гадна нэг мэдэхэд цоожоо солиулах ажил ч гарч мэднэ.
WD-40 шингэн ашиглах
Уг нь энэ бол зориулалтын шүршигч. Гэхдээ тухайн шингэнээ ямар найрлагатайг нь сайн анзаарч байхгүй бол аажимдаа цоожийг тань бас л гэмтээх нь. Ийм шингэн тослогийн найрлагатай байх ёстой. Тослог багатай шингэн цоожийг тань онгойлгох ч аажимдаа цоожны эд ангийг гэмтээнэ.
Салхины шилэн тогтож хөлдсөн цасыг шил арчигчаар хусах
Машин дээр тогтсон, ялангуяа салхины шилэн дээр тогтсон цасыг алчуур, зориулалтын шүүрээр арилгахаас бүү залхуур. Гарын дор гээд элдэв зүйлээр хусч болохгүй.
Асаагчаа ээртэл түлхүүрдэх
Машин тань асахгүй байвал асаагч буюу манайхны ярьдгаар “астаарчаа” ээрч гацтал нь түлхүүрдэг хэрэггүй. Царцсан “астаачер” ганц дараад машина саах нь ховор.
Бензин баакаа хоосон орхих
Өвөлдөх бензин баакийг хоосон үлдээх, дуусахаас наагуур бензинтэй явах нь том алдаа аж. Учир нь, хүйтэн өглөө машиныг хурдан асаахыг тулд бензин баак аль болох дүүрэн байвал сайн. Баак дотор хэдий чинээ их сул зай байна тэр хэмжээний их уур дотор нь конденсацлагдана. Тэгээд уур конденсацлагдаж болно. Машин унтарч хөрөхөөр ус хөлдөдөг. Мөсний хэлтэрхий нь машин бензин насосын ажиллагааг хүндрүүлдэг.
Машинаа олон угаах
Их хүйтэнд машинаа олон угаах нь хөлдсөн цоож руу халуун ус асгаж гэсгээхтэй адил нөлөө үзүүлдэг. Ялангуяа будганд.
Энгийн боловч бодит үр дүнтэй олон зөвлөгөө байдаг. Шинэхэн жолооч нар тэднийг мэддэггүй. Иймд уншигч таныг туршлагаасаа хуваалцаж өвлийн цагт ашигладаг арга, хэрэгслээсээ хуваалцана гэдэгт найдаж байна. Таны бичсэн зөвлөгөөг хожим сайт дээр тусгайлан оруулах болно.
