Өдгөө 43 настай загварын ертөнцийн акулуудын нэг Топ модель Д.Болормаа “Монгол модель” агентлагаа байгуулснаас хойш 13 дахь жилдээ багшилж байгаа. Түүний заавар зөвлөгөөгөөр олон ч сайн шавь гарч ажил амьдрал нь гялалзаж яваа гэхэд болно.
Монголын загвар өмсөгчөөс Азид данслагдаж Азийн топ модель болж гялалзаж явсан түүх бий. 19 настайдаа 1990 онд загварын ертөнцөд хөл тавьсан түүнийг шавь нараа мөнгөтэй баян эрхмүүдэд зуучилдаг тухай зарим нэгэн хэвлэлээр шуугиж байсан.
Загварын халуун тогоонд чамгүй чанагдсан түүний тухай мисс Э.Сэлэнгээ сэтгүүлд өгсөн ярилцлагадаа түүний энэ бүх “булай”-г батлаад өглөө.
Э.Сэлэнгээ “Топ Болормаагийн талаар агентлагийнхаа залуустай нь холбосон ор, хөнжлийн асуудал их яригддаг. Үнэхээр тийм юмуу, эсвэл гүтгэлэг үү?” гэх сэтгүүлчийн асуултад
“Тийм үү, үгүй юу гэж асуувал би тийм гэж хариулна. Угаасаа моделиуд нь ч мэддэг. Эрэгтэй эмэгтэй моделиуд багшаасаа хараат байдаг учраас тэр болгон ярьдаггүй. Тэнд байгаа хүүхдүүдийг би ойлгож байна. Би загварын А үсгээ Д.Болормаагаар заалгаагүй” хэмээн эрс шулуун хариулжээ.
