Канадын Летбриж хотын Уинстон Черчилийн нэрэмжит дунд сургуулийн 12 дугаар ангийн сурагч Кинен Шоуг  сургуулийн өлгүүрт бусад сурагчдад Пепси-Кола ундаа худалдсаны нь төлөө сургуулийн захиргаа түр хугацаагаар хичээлд явахыг нь хориглосон байна.

Сургуулийн захирал Шерил Гилмор залуу хүүд “Чи хоёр дүрэм зөрчсөн. Нэгд: сургуулийн нутаг дэвсгэрт зарахыг хориглосон ундаа зарсан. Хоёрдугаарт худалдаа хийж бизнес эрхлэхийг хориглосныг зөрчсөн” гээд энэ зөрчлөө дахин гаргавал сургуулиас бүр хөөнө гэжээ.  Хүү болон үүний ээж хоёр үүнийг арай хатуудсан шийтгэл гэж үзэж байна. Кинен Шоу “Манай сургуульд үүнээс ч аюултай зүйл зарж борлуулдаг хүн байдгийг би мэднэ. Зарим нь тамхи зардаг байхад өнгөрсөн жил энд сурч байсан нэг залуу бүр хүчил худалддаг байсан” гэжээ.