Нийслэлийн Иргэдийн Тө­лөө­лөгч­дийн Хурлын Тэр­гүүлэгчдийн 56 дугаар тог­тоо­лоор “Нийслэлийн нутаг дэвсгэрт түргэн үйлчилгээний цэг ажиллуулах журам” баталсан. Үүнд зааснаар дүүргийн Засаг даргын саналыг үндэслэн Улаан­баатар хотод байх ТҮЦ-ийн тоог хотын Ерөнхий менежер батална.  Шинэ ТҮЦ нь нийслэлийн Ерөнхий төлөвлөгөөний газ­раас баталсан дизайн загвар­тай, галын аюулгүй ажил­лагааг бүрэн хангасан бай­хаас гадна хяналтын камер­тай, эрүүл ахуйн стандартыг хангасан байна. Мөн орчны цэвэр цэмцгэр байдлыг бүрдүүлэх зорилгоор гаднаа зориулалтын хогийн сав байршуулж, орч­ноо тохижуулж, цэцэр­лэгжүүлсэн  байх ёстой.
Өнөөдрийн байдлаар Улаан­баатар хотын есөн дүү­рэгт нийт 408 ТҮЦ үйл ажил­лагаа явуулж байна. Тодор­хой шаардлагад нийцсэн, хотын үзэмжинд өнгө нэмэх журам хэрэгжиж эхэлсэн тул дүүргүүдэд ТҮЦ-ийн загварыг гаргаж, батлуулах ажил явагдаж байна. Батлагдсан загварын дагуу ТҮЦ ажиллуулах эрхтэй иргэд өөрсдийн хөрөнгөөрөө шинэчлэх аж.