Нийслэлийн Засаг дарга бөгөөд Улаанбаатар хотын Захирагч Э.Бат-Үүл “Цэргийн дүйцүүлэх алба хаагчдын гүнзгийрүүлсэн шатны сургалт зохион байгуулах тухай” захирамж гаргажээ.
Захирамжаар цэргийн дүйцүүлэх алба хаагчдын гүйцэтгэх үүргийн мэдлэг, дадлагыг гүнзгийрүүлэх сургалтыг энэ сарын 19-нөөс 10 дугаар сарын 02-ны өдөр гурван хэсэгт хуваарилан зохион байгуулах болжээ.
Нэгдүгээр хэсэгт Баянгол, Сонгинохайрхан, Чингэлтэй дүүргээс татагдсан дүйцүүлэх алба хаагчид Чингэлтэй дүүргийн ЗДТГ-ын Цэргийн штабын дарга, дэд хурандаа Ж.Даваарагчаагийн удирдлага дор зохион байгуулах бол хоёрдугаар хэсгийг Баянзүрх, Сүхбаатар, Хан-Уул дүүргийн алба хаагчид Сүхбаатар дүүргийн ЗДТГ-ын Цэргийн штабын дарга, хурандаа Л.Батаа удирдах аж. Харин гуравдугаар хэсэг болох Налайх, Багануур, Багахангай дүүргийн цэргүүдийш Багахангай дүүргийн ЗДТГ-ын Цэргийн штабын дарга, дэд хурандаа Ц.Батбаатар нар ахлан ажиллах юм.
