Энэ сарын 28-нд баруун зүгийн нутаг, төвийн нутгийн баруун хэсгээр, 29-нд төв, говь болон зүүн зүгийн нутгаар, 30-нд баруун болон зүүн зүгийн нутгийн зарим газраар, 31-нд баруун зүгийн нутгийн зүүн хэсгээр, төв болон говийн нутгаар дуу цахилгаантай бороо орно.
Салхи 28- 29-нд ихэнх нутгаар түр зуур секундэд 16-18 метр, 30, 31-нд зарим газраар секундэд 12-14 метр хүрч ширүүснэ. 28-нд нутгийн баруун хэсгээр, цаашдаа ихэнх нутгаар сэрүүсч Алтай, Хангай, Хөвсгөл, Хэнтийн уулархаг нутгаар шөнөдөө 2 градус хүйтнээс 3 градус дулаан, өдөртөө 11-16 градус, говийн бүс нутгаар шөнөдөө 9-14 градус, өдөртөө 23-28 градус, бусад нутгаар шөнөдөө 3-8 градус, өдөртөө 16-21 градус дулаан байна хэмээн Ус цаг уур, орчны газраас манайд мэдээллээ.