Америкийн зурагчин Робин Туми Playboy сэтгүүлийн од явсан 30 орчим модельтэй сэтгүүлд зурагаа авахуулаа больсноос 30-40 жилийн дараа уулзан зургийг нь авчээ. Тэдний дийлэнх нь эрүүл саруул, эрч хүчтэй, амьдралд хөлөө олсон байв. Зарим нь баян, нөлөөтэй хүмүүстэй суусан, зарим нүцгэн зургаа авахуулж олсон мөнгөөрөө амжилттай хөрөнгө оруулалт хийсэн. Гэхдээ тэн хагас нь ганц бие, хүнтэй суугаагүй, сууж байсан ч удалгүй салсан байсан бол зарим нь нүцгэн зураг татуулдаг байх үедээ эрэгтэйчүүдээс сэжиглэдэг болсон гээд залуугаасаа лесби болсон. 
Гэхдээ "Плэйбой" сэтгүүлд бие хаагаа гайхуулан зургаа тавиулж нэрд гарч явсан цөөнгүй моделиудыг баян хангалуун өтөл нас бус харин хар тамхи, хүчирхийлэл угтаж залуугаараа нас барсан байдаг. Ийм хувь тавилантай моделиудаас хамгийн нэртэй нь Мэрлин Монро. Залуугаараа өөд болсон азгүй моделиудын заримаас хүргэе.
Дороти Страттен (1960-1980). 1979 оны наймдугаар сард Playmate болсон. 1980 оны наймдугаар сард найз залуу Пол Снейдэр нь түүнийг хүчирхийлээд хэрцгийгээр амийг нь хөнөөжээ. Снейд аймшигт хэргийн дараа амиа егүүтгэсэн. Энэ хэрэг гарахаас хэдхэн сарын өмнө Playboy-н эзэн Хью-Хефнер Доротид хандан найз залуу чинь халаасны хулгайч, луйварчин гээд эртхэн харилцаагаа таслахыг зөвлөж байжээ.
Сью Уильямс (Гамильтон) (1945-1969). 1965 оны дөрөвдүгээр сард Playmate болсон. Сэтгэц нөлөөтэй эмэнд орж 1969 оны есдүгээр сарын 2-нд Лос-Анжелост амиа егүүтгэсэн.
Клаудия Женнингс (Мэри-Эйлин «Мими» Честертон) (1949-1979). 1969 оны арваннэгдүгээр сард Playmate болсон. Дараа нь 1970 онд оны Playmate болсон. 1979 онд Малибуд согтуугаар машин жолоодож аваад авто осолд орж нас барсан. 
Эллен Луиз Стоу (1956-1997). 1977 оны хоёрдугаар сард Playmate. Kiss хамтлагийн рокер Жимми Симмонстой харилцаатай болж, цаадах нь түүнийг хар тамхинд оруулсан. Явсаар Флорида мужийн гудамжны биеэ үнэлэгч болох хүртэл доош буусан. 1997 онд Корал Спрингс хотын гудамжинд нүцэглэн боомилж алсан байхыг нь олжээ.
Вики Линн Хоган (Анна Николь Смит) (1967-2007) 1992 оны тавдугаар сарын Playmate. 1993 онд оны Playmate болсон. 1994 онд Техасын газрын тосны магнат Ж.Ховард Маршаллтай суусан. 2007 оны хоёрдугаар сарын 8 -нд Холливудад хар тамхи хэтрүүлэн хэрэглээд нас барсан. 
Вильгельмина Ретвельда (Вилли Рей) (1949-1973) 1971 оны хоёрдугаар сарын бүсгүй болсон. Наймдугаар сард нь Ванкуверт хар тамхи хэтрүүлэн хэрэглээд нас барсан. 
Тиффани Слоан (1973-2008). 1992 оны аравдугаар сарын шилдэг болсон. Хар тамхинд донтон зиндаа доошилсоор Лас Вегасын "Парадайз" клубын тайчдаг бүжигчин болсон. 2008 онд зурвас бичиг үлдээгээ нойрны эм их хэмжээгээр ууж амиа хорлосон.
Пейж Янг (1944-1974). 1968 оныб арваннэгдүгээр сарын шилдэг бүсгүй. 1974 оны Лос Анжелс хотноо хар тамхи хэтрүүлэн хэрэглээд нас барсан. 
