ТҮЦ машинаас авсан цахим үнэмлэхийн лавлагаагаар арилжааны банкууд үйлчлэхгүй байгаад иргэд бухимдалтай буйгаа Засгийн газраас мэдээллээ. Автомат машинаар өгч байгаа лавлагаа, тодорхойлолт нь албан ёсны баримт бичиг бөгөөд нууцлалын өндөр зэрэгтэй “QR” кодоор баталгаажсан үнэт цаасан дээр хэвлэгддэг. Иймээс тус бичиг баримтыг үндэслэн иргэдэд төрийн үйлчилгээг саадгүй хүргэх ёстойг УБЕГ-аас дахин анхааруулж, энэ асуудлаар Шударга өрсөлдөөн, хэрэглэгчийн төлөө газарт хандаад байгаагаа албан ёсоор мэдэгдэв.
Дээрх гомдол “11-11” төвд өнгөрсөн долоо хоногт ирсэн 866 гомдол саналын нэг. Тус төвд ирсэн дийлэнх гомдлыг “Буянт-Ухаа” хорооллын орон сууцны сугалаанд тэнцсэн ч банкны шаардлагаас шалтгаалан өндөр настан, хөгжлийн бэрхшээлтэй иргэд ирүүлсэн гэнэ.
