Изинис Эйрвэйз ХХК нь 2006 оноос үйл
ажиллагаа явуулж олон зуун мянган зорчигчдод тогтвортой үйлчилж ирсэн
үндэсний агаарын тээвэрлэгч компани билээ. Харамсалтай нь, өнөөгийн
эдийн засгийн нөхцөл, компаний санхүүгийн байдал хүндэрч цаашид хэвийн
үйл ажиллагаа явуулах боломжгүй болсон тул компаний Төлөөлөн Удирдах
Зөвлөлийн шийдвэрээр 2014 оны 05 сарын 22-ны өдрөөс эхлэн үйл
ажиллагаагаа тодорхой бус хугацаагаар зогсоох болсоныг үүгээр мэдэгдэж
байна.
Өнгөрсөн хугацаанд биднийг сонгон үйлчлүүлж байсан зорчигчид, хамтран ажиллаж ирсэн түнш байгуулагууддаа талархал илэрхийлье.
Компаний гүйцэтгэх удирдлага, хөрөнгө оруулагчдын зүгээс өөрсдөөс хамаарах бүхий л бололцоог дайчлан ажиллагсдынхаа ажлын байрыг хадгалах, хамгийн гол нь нислэгийн аюулгүй байдлыг хангахын төлөө чармайн ажиллаж ирсэн боловч цаашид хэвийн ажиллах санхүүгийн боломжгүй болж үйл ажиллагаагаа зогсоох болсондолон жил эрхэлсэн ажилдаа үнэнч шударга, сэтгэл зүрхээ өгч ажиллаж ирсэн ажилчид, инженер техникийн ажилтнууд, нисэх бүрэлдэхүүн, нийт хамт олон болон зорчигчдоосоо уучлалт хүсье.
Изинис Эйрвэйз ХХК
2014 оны 05 сарын 22 өдөр
Изинис Эйрвэйс ХХК-наас нислэгийн тийз худалдан авсан зорчигчидын анхааралд:
Компаны үйл ажиллагааг зогсоосонтой холбоотойгоор борлогдсон тийзийн төлбөрийг зохих журмын дагуу худалдан авсан тухайн борлуулалтын цэгт бүх хэрэглэгчдэд ямар нэгэн хүндрэлгүйгээр бүрэн буцаан төлөх болно. Мөн “Аэромонголиа” “Хүннү эйр” компаниудтай “Изинис Эйрвэйс” ХХК-ний борлогдсон тийзийг шилжүүлэн үйлчилэхээр урьдчилан тохирсон болно. Энэхүү тийз шилжүүлэх талаархи тодорхой мэдээллийг дахин мэдээлэх болно.
Лавлагаа авах утас: 75753232
Хаяг: Сөүлийн гудамж -21, Изинис компаны борлуулалтын төв.
