Нэгэн үе сая ам.доллар дав­сан хөрөнгөтэй хүн гэхээр бүгд гайхдаг байлаа. Удалгүй сая гэхээр тоохоо байгаад зуун сая буюу дүнчүүр ам.дол­лараас давж гарсан хүн хамгийн баяны тоонд ор­дог болов. Одоогоор дэл­хийд тэрбум ам.доллар дав­сан хөрөнгөтэй хүмүүс л хам­­гийн баянд тооцогдож бай­на. Монголчуудын хувьд ч төгрөгийн тэрбумтан гэ­дэг тийм ч ховор үзэгдэл биш болж.
Зөвхөн УИХ-ын ги­шүүдийн дунд тэрбум дав­сан хөрөнгөтэй нь цөөнгүй бай­гаа бөгөөд хад­галамжиндаа тэрбум, тэр­бумаар бэлэн мөн­гө хадгалдаг нь олон.

Жишээ нь, УИХ-ын гишүүн Л.Болд 31,5 тэр­бум, Б.Наранхүү 8,6 тэрбум, Ж.Энхбаяр 3 тэр­бум,  Д.Бат-Эрдэнэ 1,4 тэрбу­мыг хадгалж суугаа гэд­гээ хөрөнгө орлогын мэ­дүүлэгтээ бичсэн байна. Авлигатай тэмцэх газраас гаргасан хөрөнгө орлогын мэдүүлгээс харвал төрд ажилладаг тэрбумтан УИХ-ын гишүүдээр тогтохгүй олон болжээ.  Сангийн дэд сайд С.Пүрэв гэхэд 5,4 тэрбумын байшин барилгатай, 0,9 тэр­бумын хадгаламжтай. Эдийн засгийн хөгжлийн дэд сайд О.Чулуунбат 1,5 тэр­бумын байшин барил­гатай, Үндсэн хуулийн цэцийн ги­шүүн П.Очирбат 1,7 тэрбумын хадгаламжтай гээд жагсаалт үргэлжлэх нь.

Зөвхөн орон сууц байшин барилгын үнэлэмжийг нь жагсаавал Авлигатай тэмцэх газрын дэд дарга Б.Хурцынх 6,1 тэрбум, Хүний эрхийн үндэсний комиссын гишүүн П.Оюунчимэгийнх  9,1 тэрбум, Хүүхдийн төлөө үндэсний газрын дарга И.Нарантуяа 19,4 тэрбум, Шударга өрсөл­дөөн хэрэглэгчийн төлөө газ­рын дарга О.Магнай 1,2 тэрбум, Булган аймгийн Засаг дарга Д.Эрдэнэбат 1,2 тэрбум, Сүхбаатар аймгийн Засаг дарга Ж.Батсуурь 2,1 тэрбум гэж бичжээ. Эд бол зөвхөн төрд алба хааж, хуулийн дагуу хөрөнгө орлогоо мэдүүлэгсэд. Хэрвээ үүн дээр манай бизнесийнхэн нэмэгдвэл тэрбумтны тоогоор Монгол тийм доогуур үзүүлэлтэй орон биш. Өөрөөр хэлбэл, ам.долларын саятан гэсэн үг.
Гэхдээ тэдний дунд  ам.дол­ларын тэрбумтан ч бай­гааг үгүйс­гэх­гүй. Энэ нь, монгол төгрөгөөр тооцвол их наядтангууд. Өнөөдөр Монголын төсөв их наядад эргэлдэж байхад ийм хэмжээний хөрөнгөтэй нэгэн байгаа гэхээр дэлхий чихээ дэлдийлгэн хүлээж авах нь гарцаагүй.
Тэгвэл дэлхийд хам­­гийн анх­ны их наяд ам.доллар дав­сан хөрөнгөтэй хүн хэ­дийд гарч ирэх вэ. Энэ та­лаар судлаачид судалгаа явуулж, сонирхолтой тоо ба­римт дэлгэснийг танд хүргэе.

“Forbes” сэтгүүл 1982 онд Америкийн хамгийн баян 400 хүний жагсаалтыг анх гаргахад үүнд багтахын тулд 75 сая ам.доллар хангалттай байв. Өнөөдөр энэ жагсаалтад багтахын  тулд хамгийн багадаа тэрбум ам.доллартай байх шаардлагатай. Өнгөрсөн жил их наяд ам.доллар гэсэн түвшинд хүрэхийн тулд Америкийн хамгийн баян 51 хүний хөрөнгийг нийлүүлэх шаардлагатай байсан бол энэ жил 37 хүн хангалттай болж, ахиад 20 жилийн дараа гэхэд ганц хүн байхад хангалттай болж магадгүй гэнэ.

Судалгааны “Ipsos MediaCT” компанийн үзэж байгаагаар анхны нэг их наяд ам.долларын хөрөнгөтэй хүн ойрын 25 жилийн дотор гарч ирнэ. “New World Wealth” компанийн шинжээчид энэ талаар илүү дэлгэрэнгүй таамаг дэвшүүлжээ. Шин­жээчдийн үзэж буйгаар хүн амд ногдох ДНБ, орлогын түвшин, түүхий эдийн үнэ, валютын ханш гэх мэт хүчин зүйлсийг оруулан тооцож үзвэл, АНУ, Орос, Энэтхэг гэх мэт улсад ойрын 25 жилийн дотор их наядтан төрөх магадлал 11 хувь.
Олон улсын “Oxfam” байгууллагын мэдээгээр 2039 он гэхэд Америкийн хамгийн баян таван хүний нийт хөрөнгийн хэмжээ нэг их наяд ам.доллар болно.
АНУ-ын хамгийн баян 400 хүний хөрөнгө 1982 онд нийт мөнгөний нэг хувь байснаа 2014 онд гурван хүн болж нэмэгдсэн ч хүн амын дунд эзлэх хувь нь буурчээ.

Өнөөдөр Билл Гейтсийн хөрөнгө “Forbes” сэтгүүлийн жагсаалтад орсон хүмүүсийн нийт хөрөнгийн 3,6 хувь болсон. Үүнтэй зэрэгцээд үндэсний нийт баялгийн хэмжээ 1982 онд 10 их наяд ам.доллар байснаа өсч, 70 их наяд ам.доллар болсон. Ойрын 25 жилийн дотор энэ тоо ердөө 300 их наяд ам.доллар болтол өснө. “Ердөө” гэдэг нь учиртай гэнэ. Учир нь, дэлхийн эдийн засгийн өсөлт 1982 оныхтой адил байсан бол энэ тоо 490 их наяд ам.доллар болох байжээ. Ингэж буурахад дэлхийн эдийн засгийн өсөлт тэр бүр тогтвортой байдаггүй нь гол нөлөө үзүүлсэн байна.

Америкийн нийт хөрөнгөнд хамгийн баян 400 хүний эзэлдэг хувь одоогийн гурваас өсч найм хүрлээ гэж бодоход “Forbes”-ын жагсаалтад багтагсдын нийт хөрөнгө 24 тэрбум болно. Ингэлээ ч тэдний хамгийн баян хүн өнөөдөр Билл Гейтстэй адил хувийг эзэлж байвал 846 тэрбум ам.доллартай байна.
Гэхдээ ингэх магадлал тун бага. 1980 оны байдлаар шинжээчид эдийн засгийн өсөлт хамгийн сайн байлаа гээд 100 тэрбум ам.доллар гэ­сэн түвшинд 25 жилийн да­раа хүрэх боломжтой гэжээ. Гэтэл Билл Гейтс 1990-ээд онд, “Microsoft”  компанид эзэмшдэг хувь­цаагаа зарж эхлэхээс өмнө энэ шугамыг давж гарсан. 1990-ээд онд түүний эзэмшдэг хувьцааны үнэ 100 тэрбум ам.долларын заагийг чөлөөтэй давж гарах байсан юм.

Харин өнөөдөр Билл Гейтс шиг супер амжилттай биз­­­несмэн дахин гарч ир­нэ гэх магадлал тун бага бай­­гаа болохоор нэг их наяд ам.доллар гэсэн заа­гийг давж гарахын тулд “Mic­ro­soft”-оос хавьгүй илүү зүйл шаард­лагатай гэсэн дүг­нэлт хийжээ.
Тэгэхээр ойрын 25 жилийн дотор хэн нэгэн бизнесмэн Билл Гейтсийн амжилтыг хоёр, гурав нугалаад их наяд ам.долларын эзэн бол­лоо гэсэн мэдээ сонсохгүй бо­лол­той. Харин 40-50 жилийн да­раа бол гарцаагүй гарч ирэх юм байна.