Нийслэл Хүрээнд сууж байсан Оросын консул А.Миллер 1913 оны арванхоёрдугаар сарын 2-ны өдөр эх орноодоо ийм нэгэн цахилгаан илгээсэн байх юм.
Энд “Ноён Болобаны тооцоолсноор Монголчууд хятадын банкинд 1,0 сая рублийн өртэй байсан бол өнөөдөр энэ өр 1,5 сая болоод байна. Хамгийн их өртэй хүний тоонд Богд гэгээн, түүний Засгийн газрын гол хоёр сайд Ханд чин ван, Сайн ноён хан хоёр байна. Бусад нь монголын засгийн газрын сайдууд, хошууны ноёд байгаа юм. Монголын Гадаад хэргийн сайд бол Гадаад монголыг хятадын бүрэлдхүүн хэсэг болгосон Оросын байр сууринд тун сэтгэл дундуур байгаа. Миний ойлгосноор Ханд чин ван нь гадаад монголыг хятадаас бүрэн тусгаар улс болгож хятадад төлөх өрийг хүчингүй болгохоор их зүтгэж итгэлтэй байгаа юм байна.
Хятадын засгийн газар монголын өрийг тун яаралтай төлөхийг шаардаж байгаа, гэхдээ өмнөх өрийг хэсэг хэсгээр нь төлөх боломж байна уу, үгүй юу гээд асуудал байгаа ч энэ нь монголын эдийн засагт хэрхэн нөлөөлөх вэ гэдэг асуудал байна.
                                                                                                    А.Миллер
Хавсралт:
Эрхэм дээдэс танд монголын ноёдын хятадын Дайчины  банкны Өргөө дэх болон Улиастай дахь  салбарт байгаа  өрийн тухай мэдээлэл хүргүүллээ. Энэ өр 688 мянган лан мөнгө буюу нэг сая орчим рубль болж байгаа юм. Төлөх хугацаа нь 1910-1911, буюу 1-12 он болохоор энэ дүн дөрөвний нэг хувиар өсөх юм.
Энэ өрөөс хамгийн их төлөгч нь Түшээт хан аймаг 142,2 лан, Богд хааны шашны хэрэг эрхэлдэг Шанздов 138,1 лан, Өнөөгийн засгийн газрын Гадаад хэргийн сайд Ханд чин ван 39,6 мянган лан, Сайн ноён 610 лан байна. Энэ талаарх дэлгэрэнгүй мэдээллийг Худалдаа аж үйлдвэрийн яамны худладааны хэлтэст явуулсан болно” гэжээ.