Нийслэлийн Засаг даргын захирамжийн дагуу Хүүхэд, гэр бүлийн хөгжлийн газраас санаачлан жил бүр сурлага, урлаг, спортын амжилтаараа үе тэнгийнхнээ хошуучлан, манлайлсан авъяаслаг хүүхдүүдээ оны “Шилдэг хүүхэд”-ээр шалгаруулдаг.  Энэ жилийн нийслэлийн шилдэг хүүхдүүдийг шалгаруулах ёслолын ажиллагаа 2013 оны 12-р сарын 23-ний өдөр болж, 5 номинациар  оны шилдэг хүүхдүүд тодорлоо. Дүүрэг бүрээс нийт 43 хүүхдийн материалыг ирүүлснээс “Шилдэг тамирчин хүүхэд”-ээр ХУД-ийн 114-р сургуулийн 11-р ангийн сурагч Мөнхжанцан овогтой Анхцэцэг, “Шилдэг авъяаслаг хүүхэд”– ээр БЗД-ийн 33-р сургуулийн 11-р ангийн сурагч Баярсайхан овогтой Тунгалагтамир, “Шилдэг бүтээлч хүүхэд”-ээр -БГД-ийн 20-р сургуулийн 9 дүгээр ангийн сурагч Болд овогтой Цолмон, “Шилдэг оюунлаг хүүхэд”-ээр ЧД-ийн Олонлог сургуулийн 11-р ангийн сурагч Ганболд овогтой Баяржавхлан, “Шилдэг манлайлагч хүүхэд”-ээр Налайх дүүрэг Голомт цогцолборын 10-р ангийн сурагч Бямбасүрэн овогтой Тэлмүүн нар тус тус шалгарлаа.