1995 оноос хойш амжилттай уран бүтээл хийж “Game of thrones”, “Mad men” зэрэг бүтээлээрээ олны таашаалыг хүртээд буй найруулагч Алэн Тейлорын дараагийн бүтээлийг кино сонирхогч хүн бүхэн тэсэн ядан хүлээж байна. Rushmovie цахим хуудсаас “Шинэ ангийн гол харуулах зүйл юу вэ” гэсэн сэтгүүлчийн асуултад Алэн: “Бид маш олон супер баатартай киног мэднэ. Тэд бүгд тодорхой хэмжээний амжилт олсон. Гэхдээ тэд бүгд нэг цаг үед амьдардаг бол Thor эртний үеэс дэлхий дээр буусан дайчин баатар. Энэ онцлогийг улам тод харуулж, сонирхолтой дүр нэмж өгсөн учраас үзсэн хүмүүс түүхэнд дурсагдах хэмжээний л бүтээл гэж дүгнээсэй гэж хүсч байна. Нэг үгээр бид тэсрэлт хийх болно” гэжээ.
Дахин сануулахад, “Thor:The dark world” кино ирэх сарын 30ны өдөр Их Британид, арваннэгдүгээр сарын 8-нд АНУ-д тус тус албан ёсны нээлтээ хийх юм. Та бүхэн трейлерийг үзэж амжаагүй бол энд дарна уу.
