Дэлхийн улс үндэстнүүдээс хамгийн сайхан хувцасладаг, загварын өндөр мэдрэмжтэй ард түмнийг СNN нэрлэсэн байна. Тэдний нэрлэснээр загварын эх орон Италийн ард иргэд хамгийн зөв, сайхан хувцасладаг гэнэ. Тэгвэл италичуудын араас шведчүүд загварын өндөр мэдрэмжтэй хувцасладаг хэмээн үнэлэгджээ. АББА хамтлагаар дэлхийд танигдсан энэ орон загварын хувьд Hennes & Mauritz (H&M) хэмээх дэлхийд 2300 салбартай аварга том брэндийг бий болгоод байгаа билээ. Шведчүүдийг загварын мэргэжилтнүүд маш цэвэрхэн хувцасладаг гэж үнэлж байна. Мэдээж францчууд хувцаслалтын мэдрэмжээрээ дэлхийд толгой цохих нь ойлгомжтой. Тэднийг энэ жагсаалтын гуравт оруулсан байна. Мөн загвар стилийн хувьд хаана ч давтагдахгүй өвөрмөц этгээд стилийг өөрсдөдөө бүрдүүлж чаддаг япончууд, эртнээс уламжилж ирсэн, язгууртны ихэмсэг тансаг маягаар хувцаслах арвин туршлагатай британичууд, маш чөлөөтэй атлаа дэлхийн загварын чиг хандлагыг тогтоож чаддаг америкчууд дэлхийн хамгийн сайхан хувцасладаг үндэстнүүдээр нэрлэгджээ.
