Японы умард нутаг Хоккайдо арлаас тавдугаар сарын 10-нд тавьсан тагтаа , өөр бас олон шувууны хамт өнгөрсөн долоо хоногт Канадын Ванкувер хотоос холгүй газарт баригдсан байна. Өлсөж ядарсан тагтааг олсон хүмүүс бугуйвчаар нь мэдэж эзэнтэй нь холбоо барьжээ. “Удаан хугацаагаар нисэх үедээ маш их ядарчээ. Замдаа тэд хөлөг онгоцон дээр сууж амарсан байж болох л юм. Тэр дахин хүч сэлбэж нисч чадах эсэх нь тодорхойгүй байна” гэж орнитолог Май Бирч хэлсэн байна. Хоккайдагаас 1000 орчим шувуу тавьсан гэж байгаа ч зөвхөн 20 хувь нь л барианд очжээ. Японы Ибараки мужид амьдарч, 100 орчим шувуу тэжээдэг эзэн Такасу нь энэ тухай дуулаад “Тэр маань амьд олдсон нь яамай даа. Шувуу чинь ус, хоолгүй бол долоо хоноод л үхдэг амьтан шүү дээ” гэжээ. Харин тэр “шувууг нь эргүүлж авчирч өгөх гэсний хэрэггүй, дахиад ийм замд явах хугацаандаа тэр маань үхчихэж юу магад” гэсэн байна.
