Мэргэжил сургалт, үйлдвэрлэлийн төв буюу коллежиудад ирэх хичээлийн жилд 26175 суралцагч элсүүлэхээр болжээ. Энэ хичээлийн жилийн элсэлтийн хяналтын тоо өмнөх жилүүдтэй харьцуулахад бага зэрэг нэмэгдсэн нь 2.5 жилээр суралцах суралцагчид нэмэгдсэнтэй холбоотой. Элсэлт авах мэргэжлүүдийг бүс орон нутгаар нь ангилахад дийлэнх хувь буюу 10530 нь Улаанбаатарт, 3978 нь төвийн бүсэд, 3915 нь баруун бүсэд, 3852 нь хангайн бүсэд, 2665 нь говийн бүс, 1235 нь зүүн бүсэд гэнэ. Суралцах мэргэжлүүдийг тэргүүлэх салбараар нь үзвэл барилгын салбарт 8945, хөдөө аж ахуйн салбарт 3749, боловсруулах үйлдвэрт 3497 элсэлт авах гэнэ. Дөрвөн жилийн турш их, дээд сургуульд суралцаад эзэмшсэн мэргэжлээрээ ажиллаж чадахгүй, өөр мэргэжлээр үргэлжлүүлэн сурах эсвэл мэргэжил шаардахгүй ажил хийхээс өөр аргагүй болох хүндрэлтэй нүүр тулахаасаа өмнө элсэгчид сонголтоо зөв хийх нь чухал.
