МЗХ, тус холбооны “Залуучуудын хууль эрх зүйн хороо”-ноос санаачилан хууль зүйн чиглэлээр суралцаж байгаа оюутан залуучууддаа хэрэгтэй мэдээ мэдээллийг олж авахад нь дэмжлэг үзүүлэх зорилгоор цуврал лекцүүдийг зохион байгуулж байгаа мэдээллийг бид өмнө нь хүргэж байсан. Тэгвэл энэхүү лекцийн сүүлчийнх маргааш оюутан залуучууд та бүхэнд хүрэх юм байна. Энэхүү лекцээр дамжуулан МУ-ын Ерөнхийлөгчийн хэвлэлийн төлөөлөгч, хуульч С.Эрдэнэболд амжилтанд хүрсэн нууцаасаа хуваалцаж, оюутан залуучуудын хууль эрх зүйн мэдлэг боловсролыг дээшлүүлэх зорилгоор “маш үнэтэй” лекцийг үнэ төлбөргүй авах боломжийг залуучууддаа олгож байгаа аж. 03-р сарын 13-нд “Хуулийн сургууль Монгол, АНУ-д” сэдвээр эхэлж, 03-р сарын 20-нд “Хуульчийн илтгэх чадвар” сэдвээр үргэлжилсэн энэхүү цуврал лекц маргааш буюу 03-р сарын 27-нд “Амжилт, төлөвлөвт” сэдвийн дор болж дуусах юм байна. Энэхүү лекц ньМУИС-ийн Эрдмийн танхимд 17 цагаас зохион байгуулагдах аж. Оюутан залуус та бүхэнүнэ төлбөргүй энэхүү лекцэнд хүрэлцэн ирж, өөрт хэрэгтэй мэдлэг мэдээлэл олж авахыг хүсвэл 96049499 дугаарын утсаар холбогдож дэлгэрэнгүй мэдээлэл авах боломжтой юм байна. 
