Монголы ардын дуунд “Тэн тэнгүй ачаа нь тэмээ малын зовлон, тэнцвэргүй амраг нь сэтгэл санааны зовлон” гэдэг. Чухам энэ бол насны зөрүүг хэлсэн үг. Дуулдаг нь монголчууд болохоос биш ийм зөрүү манайд тун ховор.

Гэтэл энэтхэгт 5-12 насны жаахан охиныг 40-70 насны эрэгтэйд гэргий болгон өгөх нь түгээмэл үзэгдэл. Ер ганцхан энэтхэг ч гэлтгүй, азийн олон оронд ийм явдал ерийн хэрэг. Тэгээд нөхөртөө заавал хүүхэд гаргаж өгөх ёстой гэх нь яана гээч. Үүнийгээ “уламжлал”, “өвөг дээдэс ингэсээр л ирсэн юм”, “өмнөдийн охид эрт боловсордог”, “14 насандаа төрөхөд бие организм хэдийнээ бэлэн болсон байдаг” гэхчлэн сүсгээр тайлбарлана.

Гэтэл орчин үеийн шинжлэх ухаан хөгжсөн аль ч оронд 14-18 нас гэдэг бол бараг хүүхдээрээ, бие организм нь төлжиж боловсроогүй байдаг нас. Ийм ч болохоор баруунд ийм явдлыг гэмт хэрэг гэж үзэн хатуу шийтгэхээр хуульчилсан байдаг. Уг нь хууль дүрмээсээ илүүтэй хүний ёс, эрүүл ухаан гэж баймаар. Гэтэл ийм бага насны хүүхдээ хүнд эхнэр болгон өгсөндөө баярлаад байж байгаа аав, ээжийг бас юу гэхэв. Ер нь ядуу гэр бүлийн хувьд охиноо эртхэн нөхөрт гаргах шиг сайхан зүйл байхгүй  л дээ, энэ орнуудад. Худалдаж байгаа л хэрэг шүү дээ. Эсвэл ийм хүүхдийг эхнэр болгох гээд  хулгайлж байга хүнийг бас юу гэх вэ.


Саудын Аравийн 90 настай эр өөрийнхөө 15 настай эхнэрийн аав ээжийг шүүхэд өгч 17,5 мянган доллар нэхэмжилж. Тэгээд бас эхнэрийг нь эргүүлж өгөхийг шаардсан гэж байгаа.  Эхнэр нь хуримын анхны шөнө хамт унтаагүй, тэр ч байтугай зугтаасан учраас тэр гэнэ.



Йемений 10 настай Нужуд охин  нөхрөөсөө салахаар шийдсэнээ Time сэтгүүлийн сурвалжлагчид ярьж. Тэр бол манай дэлхий дээр нөхрөөсөө салж байгаа хамгийн залуу эхнэр  болохоор дэлхий даяараа шуугьсан. Нью-йоркийн  Glamour сэтгүүл бүр “Оны эмэгтэй”-гээр шалгаруулсан


Дорнын бүдүүлэг ёсноос чөлөөлөгдсөн Нужуд охин. Үүнийг дагаад түүний эх орон нэгт 9 настай Арва Абду охин бас нөхрөөсөө салахаар шийдсэн. Хөрш Саудын Аравид бас 8 настай охин насанд хүрсэн нөхрөөсөө салахаар болов. Үүний араас 11-12 насны олон охин нөхрөөсөө салах болжээ. Хамгийн аймаар нь ийм охидын нөхөр, нөхрийн гэрийнхэн эднийг өчүүхэн л алдааны төлөө аймшигтайгаар зодож, тамладаг. Үүнээс болж олон охин амиа хорлоно, ихэвчлэн өөрийгөө шатаана.


Өөрийгөө шатаасан охины зураг


Эдний хамгийн том жишээ бол афганы Аиша охин. Тэр нөхрөөсөө зугтаасныхаа төлөө хамар чихээ огтлуулсан. Азаар Тime сэтгүүлийн сурвалжлагчтай таарч одоо АНУ-д сайхан амьдарч, хамар чихтэй болж байгаа.


Сайндаа л 14-15 настай охид нөхөрт гарч байгаа нь энэ.


Афганисаны 55 настай Саид Мохаммед 8 настай Рошан Касем хоёр шинэхэн гэр бүл.


Жанан гэх энэ эр өөрийн 15 настай эхнэр Жамилыг алах гэснийх нь төлөө цагдаа нар баривчилсан. Жанан охиныг алахаар дайрч, биед гэмтэл учруулаад зогсохгүй ач охиноо хамгалсан эмээг нь бас зодсон. Жамалыг бүр 10 настай байхад нь нөхөрт гаргасан гэдэг.


40 настай Фаиз Мохаммед өөрийн эхнэр 11 настай Гулам Хидерийн хамт, хуримынхаа өмнөхөн


Афганистан. 13 настай Маджаббин Мохаммед өөрийн нөхөр, анхны эхнэрийн хамт




Йемений Тахани бол бүр 6 настай байхдаа 25 настай Мажедтай гэрлэсэн. Өөр нэг охин бол 8 настайдаа гэрлэсэн.


Йемений залуухан бэрүүд хуримынхаа өмнө.


Йемений 14 настай ээж Азиа хоёр дахь охиноо угааж байна. Анхны хүүхэд нь түүнийг 12-той байхад төрсөн. Дэргэд нь сууж байгаа нь тэр.


Энэтхэг. Таван настай охиноо 14 настай эртэй суулгахаар аав нь аваад явж байгаа нь энэ.


Энэ хуримын ёслол.


Энэтхэг. Хасина охин нөхөр Алитайгаа. Охин 13-тай байхдаа нөхөрт гарсан одоо 5 сартай жирэмсэн.


Энэтхэг, Бхапай муж. Нөхөр нь 14 настай, сүйт бүсгүй 12-той.


Мөн Энэтхэгийн Бхапай муж. Хоёулаа 7 настай гэр бүл.


Йемен 14 настай Дебриту нөхрөөсөө зугтааж, Олон улсын улаан загалмай нийгэмлэгийн дүрвэгч эхнэрүүдийн тусламжид орсон нэгэн.


Палестины Газын зурвас. Залуухан бэрүүд хуримын ёслол дээрээ.