Сар гаруйнхны өмнө загвар өмсөгч найз бүсгүйгээсээ салсан дуучин Марк Энтони аль хэдийнэ шинэ хайр дурлалтай учирчээ. 44 настай дуучин “Topshop”-ийн өв залгамжлагч 21 настай бүсгүй Хлое Гринтэй болздог болжээ. Саяхан Марк Энтони шинэхэн найз бүсгүй болон хоёр ихэр хүүхдээ дагуулан Диснейлэндэд зугаалж яваад паппарацдын дуранд өртжээ. Марк Энтонигийн таван настай ихрүүд ээжтэйгээ хамт амьдарч байгаа ч аав нь тэдэнтэй байнга уулздаг юм. Тэрээр шинэ найз бүсгүйгээ аль хэдийнэ хүүхдүүддээ танилцуулаад амжжээ. 
“Chloe” брэндийн гуталны загвар зохион бүтээдэг Хлое өсвөр наснаасаа Марк Энтони, Женнифер Лопез нартай танил байсан ч 23 насаар ах дуучинтай хайр сэтгэлийн холбоотой болно хэмээн санаагүй байсан биз ээ. Тэрээр Марк Энтонигийн том охин Арианагаас ердөө хоёр насаар л эгч учраас эцэг нь энэ дурлалыг хүлээн зөвшөөрөх болов уу хэмээн бага зэрэг эмээж байсан гэнэ. Гэвч Английн ихэс дээдсийн нэг, тэрбумтан Филипп охиныхоо дурлалын хүлээн зөвшөөрсөн бололтой. 
2011 онд Женнифер Лопезоос дуулиантай салсан Марк Энтони өнгөрсөн жил гаруйн хугацаанд Венесуэлийн загвар өмсөгч Шэннонтой болзож байсан билээ.
