Улс болон олон улсын чанартай авто замуудын өнөөдрийн нөхцөл байдлын мэдээллийг хүргэж байна.
-
Улаанбаатар-Өндөрхаан чиглэлийн авто замд цас хусах ажлыг Шуурхай ажлын хэсэг гүйцэтгэж байна. Тус чиглэлд цас ихээр орж шуурч, үзэгдэх орчин хязгаарлагдсан. Цаашид нөхцөл байдал хүндрэх төлөвтэй тул жолооч тээвэрчид зорчихгүй байхыг анхаарууллаа.
-
А1001 дугаартай ДАРХАН-ЭРДЭНЭТ чиглэлд шуургатай, үзэгдэх орчин хязгаарлагдмал байна. Энэ чиглэлд автомашины хөдөлгөөн хэвийн үргэлжилж зарим газар тогтсон цасыг хусаж цэвэрлэх ажил тогтмол хийж буй юм.
-
А0402 дугаартай ДАРХАН-СҮХБААТАР чиглэлд цасан шуургатай, зам даваа саадгүй хөдөлгөөн хэвийн үргэлжилж байна.
-
А0603 дугаартай ЦЭЦЭРЛЭГ-ТОСОНЦЭНГЭЛ чиглэл А0602 ХАРХОРИН - ЦЭЦЭРЛЭГ чиглэлийн улсын чанартай авто замын үзлэг хийгдэж байна. Тэнгэр бүрхэг цас үргэжлэн орсоор байна.
-
А0202 дугаартай МАНДАЛГОВЬ-ДАЛАНЗАДГАД чиглэлийн авто 151-166 км хооронд үүссэн цас мөсийг цэвэрлэж байна.
-
А18 дугаартай НӨМРӨГ-СОНГИНО-НАРАНБУЛАГ чиглэлийн 530+200, 514+515км авто замын зорчих хэсэгт шуурч хунгарласан цасыг ковшоор цэвэрлэх, А0603 дугаартай ЦЭЦЭРЛЭГ-ТОСОНЦЭНГЭЛ-НӨМРӨГ чиглэлийн авто замын зорчих хэсэгт шуурч хунгарласан цасыг автогрейдерээр хусах зэрэг ажлууд хийж байна.
-
Ихэнх чиглэлд тэнгэр бүрхэг, цасаар шуурч үзэгдэх орчин хязгаарлагдмал байгаа тул авто замын хөдөлгөөнд оролцогч жолооч, тээвэрлэгчид анхаарал болгоомжтой зорчихыг анхааруулж байна.
Онцын шаардлагагүй бол холын замд гаралгүй, цаг агаарын нөхцөл байдлын мэдээг тогтмол авч, замын хөдөлгөөнд оролцохыг анхаарууллаа.
