Ардчилсан нам дотоод сонгуулиа явуулж өчигдөр буюу гуравдугаар сарын 28-нд намын даргын сонгуулийн санал хураалтыг зохион байгуулсан. Намын даргын сонгуульд 70 гаруй мянган гишүүн оролцож, 53.5 хувь буюу 41199 нь О.Цогтгэрэлийн төлөө санал өгчээ. Олонхийн санал авч Ардчилсан намын даргаар сонгогдсон УИХ-ын гишүүн О.Цогтгэрэлд УИХ дахь Ардчилсан намын бүлгийн гишүүд баяр хүргэлээ. Намын даргын сонгуульд дөрвөн хүн нэр дэвшиж орон даяар сошиал, хэвлэл мэдээллийн сувгуудаар сурталчилгаа зохион байгуулж, сонгуулийн санал хураалтыг цаасаар авахаар зохион байгуулсан юм.