Урин дулааны улиралтай зэрэгцэн хачгийн идэвхтэй үе эхэлсэн учраас хачигт халдвараас сэргийлж, өөрийгөө болон хүүхдүүдээ хамгаалахыг эрүүл мэндийн байгууллагууд анхааруулж байгаа юм. Өнгөрсөн сард Говь-Алтай аймгийн харьяат 54 настай эмэгтэй хачигт риккетсиозоор өвчлөн хүндэрч нас барсан байна. Зөвхөн Говь-Алтай аймагт гэхэд хачигт халдварын 51 сэжигтэй тохиолдол бүртгэгджээ. Тэднээс гурван хүний биеийн байдал хүндэрсэн учраас ХӨСҮТ, ЗӨСҮТ-ийн эмч нарын багт тус аймагт өнгөрсөн сарын сүүлээр ажиллаж, яаралтай арга хэмжээ авсан гэнэ. Эдгээр хүний биеийн байдал одоогоор сайжирсан байна. Зоонозын өвчин судлалын төвийн мэдээгээр өчигдрийн байдлаар хачигт халдварын 424 сэжигтэй тохиолдолд бүртгэгдсэн нь өмнөх оны мөн үеэс 1,8 дахин өндөр гарсан байна. Манай оронд 43 зүйл халдварт хачиг байдгаас одоогоор гурван төрлийн халдварт өвчин оношлогдсон аж.
Тиймээс уул хадаар аялах, агаар салхинд гарахдаа хачигт халдвараас сэргийлж, битүү тод өнгийн хувцас өмсч, энд тэндээ хачиг наалдсан эсэхийг заавал шалгаарай. Хэрвээ хачигт хазуулсан, шигдсэн байдал илэрвэл яаралтай эмнэлэгт хандахыг эмч нарын зүгээс анхааруулж байгаа юм.
