Хумс бол хүний гоо сайхны салшгүй нэг эд эс юм. Иймээс хумсаа зөв авч, арчилж, мөн тэжээл өгч, зөв ургуулж байх нь чухал. Хумсны эрүүл байдал хүний дотоод эд эрхтэний эрүүл байдалтай салшгүй холбоотой байдаг. Хумсны өнгө хөх, шар туяатай байвал дотор эрхтэний өвчлөл явагдаж байна гэсэн үг. Ийм тохиолдолд дотор эрхтэнээ үзүүлж эмчлүүлэх хэрэгтэй. Дотор эрхтэн эрүүл бол хумсаа гаднаас нь арчилж, тэжээлийн тос түрхэж амраагаад байвал эрүүл байна.

Хумсаа буруу авснаас болж хумс махийж ургах, эсвэл дээшээ ургах, давхарлах гэх зэргээр буруу ургадаг. Иймд хумсыг маш зөв техникээр авах учиртай. Хумсыг зөв аваагүйгээс болж шигдэж ургах, цаашлаад мэс заслын аргаар авахаас өөр аргагүйд хүрдэг. Буруу ургалттай хумсыг зайлшгүй мэргэжлийн хүнээр авахуулж байх хэрэгтэй. Эрчүүд хумсыг лав авах нь элбэг. Хумсаа авахдаа хурууныхаа өндөгтэйгээ чацуулж авч байх ёстой. Өөрөөр хэлбэл хурууны өндөгнөөс дотогшоо лав авах нь өвчлөл үүсгэх магадлалтай байдаг.       

Эрүүл хумсны толь гарны үе давхаргатай чацуу байдаг. Хумсны толь овгор биш байх ёстой. Хумс тэгш байна гэдэг нь эрүүл байгаагийн шинж. Хумсны махны хувьд түлхээд сурчихвал наашаа гарч ирэхгүй. Тухайн хүнийх урт ургалттай бол авахаас өөр аргагүй юм.

Манай гоо заслын салон хумсны эмчилгээ, арчилгаа, мөн гоо сайхны үйлчилгээг үзүүлдэг. Хумсны эмчилгээнд 10 удаа орсноор эрүүл сайхан болно.

Хумсны арчилгаа:

Хумс арьстай адил арчилгаа шаарддаг. Хамгийн нэгдүгээрт цэвэрлэгээ хийх хэрэгтэй. Химийн нэгдэл багатай бодисоор будгаа цэвэрлэж авна. Цэвэрлэгээ хийснийхээ дараа махаа авах, эсвэл түлхэж өгнө.

Хүмүүс янз бүрийн бүтээгдэхүүн болж хумс нимгэрнэ гэж айгаад байдаг. Арьстай адил хумс бол генийх. Тэгэхээр та нимгэн, зузаан, хатуу, зөөлөн гээд ямар ч хумстай байлаа гээд тэр өөрчлөгдөхгүй. Төрөлхийнх юм.

Хумс арчлахад дөрвөн төрлийн хуурай чухал үүрэгтэй. Арьсаа арчлахдаа эхлээд өнгөн хөрсийг гэмтээлгүй цэвэрлэдэг шиг дөрвөн төрлийн хуурайгаар хумсны өнгийг үрж цэвэрлэнэ.

Гэрийн нөхцөлд долоо хоногт нэг удаа лемонтой ус эсвэл давстай усанд гараа дүрж болно. Ингэхдээ хумс өндөг хоёрын завсарыг маш сайн цэвэрлэж, мөөгөнцөр, бактери үүсэхээс сэргийлэх хэрэгтэй. Гараа байнга угаадаг байлаа ч гэсэн хумсны завсар нян бактери байж л байдаг. Иймээс хумсны завсар үүссэн бохирдлыг арчиж цэвэрлэх хэрэгтэй.  

Хаяг: “Модны 2”-ын зам дагуу “Монос” гоо заслын салон.
Холбоо барих утас: 88013728, 93036002