Монголын Залуучуудын холбооны дэргэдэх “Тэлмэн түүчээ” клубийн хамт олон орон нутгийн сурагчдын дотуур байрыг номын сантай болгох зорилтод аяныг санаачлан хэрэгжүүлж байна. Энэхүү аяны зорилго нь эх орны ирээдүй болсон сурагчдыг номонд дуртай болгох, чөлөөт цагаа зөв боловсон, бүтээлчээр өнгөрөөх орчин нөхцлийг бүрдүүлж өгөхөд чиглэжээ. Тэдний анхны томоохон ажил нь Завхан аймгийн Тэлмэн сумын сурагчдын дотуур байранд 300 гаруй номын фондтой номын санг амжилттай байгуулсан байна. Цаашдаа номын тоог нэмэх сурагчдын дунд ном унших сонирхлыг төрүүлэх уралдаан тэмцээнийг зохион байгуулах ажлыг зохион байгуулахаар төлөвлөсөн байна.
Тэд дараагийн аймгаараа Архангай аймгийг сонгосон байна. Архангай аймгийн Эрдэнэмандал сумын сурагчдын дотуур байранд номын сангаа байгуулах ажлыг амжилттай өрнүүлж байгаа бөгөөд одоогийн байдлаар 400 гаруй ном цуглараад байгаа юм байна. Тус номын санг 4-р сарын 8-ны өдөр ашиглалтад оруулахаар төлөвлөөд байгаа юм байна. 
