Монгол Улсын Засгийн газрын 2016 оны арванхоёрдугаар сарын 28-ны өдрийн 214 дүгээр тогтоолоор “Нийслэлийн гэр хорооллын айл өрхөд цахилгааны үнэ тарифын хөнгөлөлт үзүүлэх журам”, Эрчим хүчний яамны сайд болон нийслэлийн Засаг дарга бөгөөд Улаанбаатар хотын захирагч нарын байгуулсан санамж бичгийг хүрээнд нийслэлийн гэр хорооллын айл өрхүүдийн шөнийн цагт хэрэглэсэн цахилгааны тарифыг тэглэх болсон. Үүнтэй холбогдуулан нийслэлийн Онцгой байдлын газраас Улаанбаатар “Цахилгаан түгээх сүлжээ” ТӨХК-тай хамтран иргэд, олон нийтэд Гамшгаас хамгаалах тухай, Галын аюулгүй байдлын тухай, Эрчим хүчний тухай хууль тогтоомжийг сурталчилчлахаар болжээ.
Энэ хүрээнд гэр хорооллын айл өрх, иргэд, олон нийтийн хэрэглээний цахилгаан хангамж болон цахилгаан халаалтын төхөөрөмж, цахилгаан дамжуулах утсыг норм дүрэм, стандартын шаардлагын дагуу галын аюулгүй байдлыг хангуулах чиглэлээр урьдчилан сэргийлэх нэгдсэн арга хэмжээг 2017 оны нэгдүгээр сарын 9-ний өдрөөс ирэх сарын сарын 9-ний өдрийг хүртэл нийт 30 хоногийн хугацаанд зохион байгуулахаар боллоо.
