Монголчууд өнөөдөр санхүүгийн хариуцлага гэж юу бэ гэдгийг мэддэг болж. Тиймээс ч найдвартай, хүү багатай, урт хугацааны зээл авдаг, түүнийгээ амьдралдаа зөв ашиглаж сурсан. Гол нь банкууд маань хэрэглээний зээлийн таатай нөхцөл, шуурхай үйлчилгээг санал болгох хэрэгтэй байдаг. Ингээд ХААН Банк бүх төрлийн хэрэглээний зээлийнхээ хугацааг уртасгаж, зээлийн хэмжээг нэмэгдүүлсэн гэдэг мэдээллийн дагуу тодрууллаа. Хэрэглээний зээлд цалингийн зээл, тэтгэврийн зээл, автомашин худалдан авах болон цахилгаан бараа, тавилга зэрэг бараа худалдан авах зээл багтдаг. ХААН Банкнаас эхлүүлсэн хэрэглээний зээлийн аяны талаар уншигчдын сонирхдог зарим асуултаар тодруулга авлаа.
-ХААН банк цалингийн зээл авахад ямар шалгуур тавьж байгаа вэ?
-Та ХААН Банкаар дамжуулан цалингаа авдаг бол 36 сарын хугацаанд эргэн төлөхөөр цалингийн зээл авч болно. Мөн та тухайн байгууллагад сүүлийн 6 сараас доошгүй хугацаанд байгууллагад ажилласан байх шаардлагатай.
-Автомашин лизингээр худалдан авахад урьдчилгаа төлбөр хэрэгтэй юу. Тухайн авах машины үнийн дүнгийн хэдэн хувийг төлөх ёстой вэ?
-Шинэ автомашины хувьд 10 хувиас багагүй урьдчилгаа төлбөртэй бөгөөд эргэн төлөлтийн хугацаа 60 сар болж уртассан. Харин хуучин автомашины хувьд худалдан авах тээврийн хэрэгслийн үнийн дүнгийн 15 хувиас багагүй урьдчилгаа төлбөр төлнө. Хэрвээ та үл хөдлөх хөрөнгө барьцаалсан тохиолдолд урьдчилгаа төлбөргүйгээр автомашины лизинг авах боломжтой.
-Тэтгэврийн зээлийг хугацааг уртасгасан гэж сонссон? Мөн хамтран зээлдэгч гэсэн шаардлага хэвээрээ үйлчилж байгаа юу?
-Тэтгэврийн зээлийн хугацаа 12 сар байсан бол хэрэглээний зээлийн аянтай холбоотойгоор 24 сар болж өөрчлөгдсөн. Тэтгэврийн зээл авах харилцагчийн хувьд хамтран зээлдэгч шаардлагагүй бөгөөд тэтгэврийн дэвтэр, иргэний үнэмлэхийг үндэслэн зээл олгоно.
-Тавилга, цахилгаан бараа зэрэг хэрэглээний зээл авахад урьдчилгаа төлбөр заавал төлөх шаардлагатай юу?
-Та автомашинаас бусад төрлийн хэрэглээний зээл авах тохиолдолд худалдан авах бараа 3 сая хүртэлх дүнтэй бол урьдчилгаа төлбөргүй. Харин худалдан авах барааны үнийн дүн 3 саяас илүү бол 10 хувийн урьдчилгаа төлөх ёстой.
