Индонезийн Лаву ууланд авирч явсан зургаан уулчин гал түймэрт өртөн амиа алдсан талаар эх сурвалж мэдээллээ. Хэргийг шалгах явцдаа уулчид бөглүү газар мухардсан байж болзошгүй юм байна. Өөр уулчин дээрх ууланд байхыг үгүйсгээгүй бөгөөд аврах ажиллагаа явуулсаар байгаа талаар Ройтерс агентлаг мэдээллээ. Жава арлын Лаву ууланд ойн түймэр сүүлийн хоёр өдөр хурдтай газар авч байгаа бөгөөд гал унтраах бие бүрэлдэхүүн гамшгийн газар шуурхай ажиллаж буй. Жилийн энэ улиралд газар нутаг маш их хуурайшдаг бөгөөд түймэр хэт халууны улмаас ч үүсч болохыг албаныхан онцолсон.
Нутгийн эргэн тойронд энгийн иргэдийг нүүлгэн шилжүүлж дууссан ч жуулчид болон уулчид дээрх ууланд байх магадлалтай юм байна. Цагаан хоолойгоор аврах багийнхан уулчид болон ууланд мухардсан хүмүүст аврах ажиллагааны зааварчилгааг өгсөөр байгаа талаар албаныхан өгүүлэв.