Грекийн бүх нийтийн сонгуулиар зүүнийг баримтлагч “Сириза” нам ялалт байгуулсан мэдээлэл цацагдаж эхэллээ. Грекийн сонгуулийн хороо энэхүү ялалтыг бататгаж, улс орон даяараа Алексис Ципрасын ирээдүйн талаар ярьж байна. Хоёр дахь удаагаа Засгийн эрхийг авсан “Сириза” нам хангалттай суудал авсанаар ийнхүү ойрын хугацаанд Грекийн хөгжлийг тодорхойлох нь байна. Эдийн засгийн шинэчлэлт хийх эхний зорилтын талаар намынхан мэдэгдэж, өнөөдрөөс ажилдаа шуурхайлан орж буйгаа өчигдөр мэдэгдлээ.
Дөрвөн жилийн хугацаанд “Сириза” нам Грекийн өрийн хямрал, эдийн засгийн сэргэлт, ажилгүйдэлтэй тэмцэхээр болсон талаар Ройтерс агентлаг уламжилсан. Нийт 300 суудлын 145-ыг “Сириза” нам авч чадсанаар төрийн мэдлийн бүхий л үйл ажиллагаанд давуу эрхтэй оролцохоор болж байна. Сөрөг хүчин шинэ Ардчилсан намынхан ялалт байгуулж чадаагүй ч “Сириза” намынханд баяр хүргэж, талархал хүргэжээ. Бусад намууд болон бие даагчид шинэ Ардчилсан намынхантай санал хуваасан нь ийнхүү эрх баригчдад давуу байдал олгосон аж. Одоо Засгийн газраа шинээр байгуулах их ажил амжуулах болох нь.
