“Эмээлтийн хөнгөн үйлдвэрийн, үйлдвэрлэл технологийн парк” ОНӨТҮГ-ын Удирдах Зөвлөлийн анхдугаар хурал боллоо. Анхдугаар хуралдаанаар Удирдах зөвлөлийн даргаар нийслэлийн Засаг даргын Экологи, ногоон хөгжлийн асуудал хариуцсан орлогч Т.Бат-Эрдэнийг, нарийн бичгийн даргаар паркийн дарга М.Гончигжав нарыг сонголоо. Тус паркийн дарга М.Гончигжав нь 2014, 2015 оны нэгдүгээр хагас жил хүртэлх ажлын явцыг танилцуулав. Дараагийн хурлаар Цэвэрлэх байгууламж, зөвлөх баг байгуулах, хөрөнгө оруулалтын боломжууд, нийслэлийн 2015 оны төсвийн тодотголын санал хүргүүлэх тухай асуудлуудыг бэлтгэн танилцуулах үүрэг өгсөн байна. Тус паркын удирдах зөвлөлийн гишүүнээр Аж үйлдвэрийн яамны Хөнгөн үйлдвэрийн бодлогын хэрэгжилтийг зохицуулах газрын дарга С.Балжинням, нийслэлийн Үйлдвэр, хөдөө аж ахуйн газрын дарга Г.Пүрэвсүрэн, Арьё ширний үйлдвэрлэлийн холбооны гүйцэтгэх захирал Т.Баярсайхан нар ажилладаг юм.
