ЭМЯ-ны Бодлогын хэрэгжилтийг зохицуулах газрын дарга болон  холбогдох албаны хүмүүс БНХАУ-ын “Ордон” компанийн төлөөллийг мягмар гарагт хүлээн авч уулзаж хамтран ажиллах талаар зөвлөлдлөө.

Тус компани нь “Эмнэлгийн хог хаягдлыг боловсруулах” чиглэлээр концессийн гэрээгээр хамтран ажиллах хүсэлтэй байгаагаа манай талд уламжилжээ. Хөрөнгө оруулалтын “Ордон” компани нь БНХАУ-ын болон гадаадын зарим улс оронд тоног төхөөрөмж нийлүүлэх, аюултай хог хаягдлыг устгах чиглэлээр үйл ажиллагаа явуулдаг байна.