Британийн сая сая татвар төлөгч өөрсдийнх нь өгсөн мөнгийг Засгийн газар юунд, яаж зарцуулсан тухай нэгдсэн тайланг шуудангаар хүлээн авдаг болох нь. Тус улсад нийт 30 сая шахам татвар төлөгч байдгаас 24 саяд нь жил бүрийн татварын нэгдсэн дүнг илгээх бөгөөд энэ нь засаглалын ил тод байдалд хувьсгал болно хэмээн Британийн эрх баригчид үзэж байгаа юм. Уг тайланд хувь хүн хэдий хэмжээний мөнгийг татвар болоод үндэсний даатгалд төлдгийг, тэр мөнгө хаашаа орж, ямар замаар зарцуулагддагийг дэл­гэрэнгүй танилцуулсан байх аж. Европын аль ч оронд ийм жишиг нэвтрээгүй, Британи анхдагч болж байгаа юм. Хөгжингүй орнуудаас Австрали л татвар төлөгчдөд тай­лан хүргүүлдэг юм. Ийнхүү иргэд мэдээлэлтэй болсноор өөрс­дийнх нь татварын мөнгө үр ашиггүй зарцуулагдаж байна эсвэл нийгмийн халамж хэрэгтэй хэсэг рүү л хамаг мөнгөө урс­гаж байна гэх хардлагыг зогсооно гэж улстөрчид найдаж байна.