Хятадын нэгэн мужийн иргэд сониноо шимтэн унших болжээ. Учир нь энэ бол дэлхийн анхны 3D сонин юм. Гэхдээ А3 хэмжээтэй энэ сонинг уншихын тулд заавал 3D шилийг нь авах шаардлагатай. Жэцзян мужийн Ханжоу хотноо энэхүү 3D сонинг хэвлэн цэнхэр-улаан өнгөт шилийн хамт зарж байгаа юм. Гэхдээ энэ бол худалдаанд гарснаараа дэлхийн анхны 3D сонин болж байгаа гэнэ. Учир нь, Хубэй мужийн Шиян хотод энэ оны дөрөвдүгээр сард анхны 3D сонинг гаргасан бөгөөд энэ Хятадын үзэсгэлэнт газруудын зураг бүхий жуулчдад зориулсан сонин байсан аж.