Их британийн өмнөд нутгийн нэгэн наран шарлагын газраас таван настай охины олсон үлэг гүрвэлийн яс нь шинжлэх ухаанд урьд нь огт мэдэгдээгүй шинэ төрлийн үлэг гүрвэл байна гэж эрдэмтэд санал нэгтэй хэлж байна. Дэйзи Моррисын олсон яс нь 150 орчим сая жилийн өмнө амьдарч байсан птерозаврын нэгэн төрөл, нисдэг гүрвэл байжээ. Энэ үлэг гүрвэл одоогийн хэрээ, цахлайн хэмжээтэй байсан бололтой. Үлэг гүрвэлийг анх олсон охины нэрээр Vectidraco daisymorrisae гэж нэрлэсэн байна.