Гарч байгаа 2013 он хар усан могой жил. Гол гамшиг аюул нь ус байх нь. Хар өнгийн хувьд, энэ бол огторгуйн өнгө. Могой бол олонхи хүнд их өөрчлөлт, бүр ялимгүй зүйл дээр ч гэсэн өөрчлөлт авчирдаг. Энэ онд бодож төлөвлөсөн зүйлээ хийх нь чухал. Хамгийн гол нь хийхээсээ өмнө сайтар бодох хэрэгтэй. Энэ жил олон хүний амьдралд амьдардаг газраа өөрчлөн шинэ байранд орох, нөхөрт гарах, хүүхэдтэй болох, магадгүй гэр бүлээсээ салах гэх мэт их өөрчлөлт гарна.
Могой жил ер нь олон хүнд сайхан сэтгэгдэл, сэтгэл хөдлөл авчрах нь. Гэхдээ бодож төлөвлөөгүй зүйлд юм уу, муу муухай зүйлд чинь туслахгүй шүү. Гэр орныхон, найз нөхөддөө санаа тавьдаггүй, хүнд үед нь тусалдаггүй, тэдний үг зөвлөгөөг авдаггүй хүмүүсээс амжилт, сайн сайхан бүхэн зугтаах нь.
2013 он шинжлэх ухааны салбарт ажиллагсдад амжилт бүтээл дагуулна. Шинжээч, зураач, эрдэмтэн, хөгжимчин, дуучин, хөгжмийн зохиолч гээд уран бүтээлчдэд их амжилт авчирна.
Харин их ачаалалтай байдаг хүмүүсийн хувьд жаахан бэрхшээлтэй байна. Могой өөрөө тайван овсгоотой хүмүүсийг ивээдэг болохоор дээрх хүмүүст нэг их туслахгүй бололтой. Мөнгө төгрөгөө зарцуулахдаа ёстой долоо хэмжиж нэг огтлохгүй бол хэзээ ч хэрэг болохгүй зүйл худалдаад авчихаж мэднэ.
Ер нь хариуцлагатай байж бүхнийг бодож төлөвлөж хийх хэрэгтэй. Энэ онд нөхөрт гарахад бусад жил гэр бүл болсноос илүү бат бэх байх юм байна. Хуучин гэр бүлүүдэд бол нэг их онцгой харилцаа шаардаад байхгүй.
Могой жил судалгааны экспедиц, аж үйлдвэрийн салбарт ажиллагсдад амжилт авчирна. Мэдлэг боловсролоо дээшлүүлэхэд сайн.
Улстөрчдийн хувьд нэг их тайван сайхан байхгүй нь бололтой. Удирдлагууд ойр ойрхон солигдож тэр нь олон нийтэд нэг их таашаагдахгүй. Олон улсын зөрчил мөргөлдөөнийг тогтворжуулах гэж засгийн газар бүхий л хүчээ дайчилна. Шинэ засаг, шинэ бодлого гарч шинэ цаг үе эхэлнэ. Улс доторхи зөрчлийг шийдвэрлэхэд ихээхэн хүч гаргах нь. Шинэ төслийг дагаад шинэ өөрчлөлт болж түшмэдийн аппарат бүхэлдээ солигдох нь. Гуравдугаар сараас эхлээд эрх баригчид жагсаал цуглаан, эсэргүүцлийн хөдөлгөөнүүдэд дарагдан залхаж эхэлнэ.
Он гараад бүх анхаарал засгийн газар луу чиглэж олон хүн ахуй амьдрал, наад захын хэрэглээ хомс байгааг өөрчлөхийг шаардана. Санхүүгийн нөхцөл байдлаас болоод олон айл өрх хэвийн амьдрахад хүнд болно. Албан хаагчдын хувьд байр сууриа дээшлүүлэх боломж гарч ирнэ.
Оны эхнээс л элдэв өвчин дэлгэрэх магадлалтай тул эм хэрэгсэл боломжийн хэрээр нөөцөлж авахад гэмгүй. Хоёрдугаар сараас албан бус хөдөлмөр эрхэлдэг, чөлөөт байдлаар ажилладаг хүмүүсийн амжилт буурах төлөвтэй.
Нийгмийн давхаргуудад зогсонги байдал эхэлж, нийгмийн ямар ч хамгаалалгүй хүмүүсийн шинэ давхарга бий болно.
Шинэ танилуудтай болохдоо болгоомжтой байхыг могой сануулж байна.
Ер нь энэ жил ажил дээрээ, олон нийтийн газарт маргаан шийдвэрлэх хэрэгцээ шаардлага олон гарах нь.
Могой жилд нуруу бөөр, нүүрний булчин таталдах, халдварт хурц ханиад өвчин элбэг байж магадгүй.
Хүн бүр өөрийн гэсэн бодолтой байж чин эрмэлзэлтэй ажиллаж хөдөлмөрлөвөл амжилтад хүрнэ.
Хамгийн үр бүтээлтэй үе бол долдугаар сар. Ялангуяа хамт олноороо, багаараа ажилладаг бол ёстой амжилтад хүрнэ. Ажлын чиглэл өөрчлөгдсөнөөс болоод дарга удирдлагуудад хамт олнооо шинээр зохион байгуулах шаардлага гарч ирж магадгүй. Тэгэлгүй хуучнаараа зүтгээд байвал маргаан зөрчил гарч, хөдөлмөрийн бүтээмж буурна.
2013 он бол харин аялал жуулчлал, явдал суудалд д нэг их таатай биш жил. Могой өөрөө гэрсэг амьтан. Тэгэхээр хэн эх орноосоо явалгүй, эх орноо хайрлана түүнд амжилт ирнэ.
Дөрөвдүгээр сард их хэмжээний мөнгө орж ирж мэднэ, гэхдээ шударга бус аргаар орж ирж байгаа мөнгө болохоор түргэн зарцуулж үгүй хийх хэрэгтэй. Ийм мөнгө ашиг авчрахгүй.
Нэг гэрт амьдардаг төрөл төрөгсдийн хооронд маргаан, ямар нэг асуудал үүсч болно. Ер нь могой үүрэндээ гадныхныг оруулах дургүй амьтан. Тэгэхээр ойр дотны ч бай хүмүүсийг дэргэдээ авах хэрэггүй. Тэд амжилтын шувуухайг тань үргээчихэж мэднэ.
