12 дугаар сарын 21-нд “Ертөнцийн төгсгөл” болно гээд л бөөн яриа. Гэтэл манай дэлхий ертөнц чинь ганц энэ удаа ч биш бүр МЭӨ шигээ ойрын 10-аад жилд жил бүр л “сөнөх” юмсанж. Ухаандаа элдэв таамаглалаар бол 2011-2020 хүртэл бүх жилд “Ертөнцийн төгсгөл” тохиохоор бичсэн байдаг байна.

2011 он. Майяагийн хуанийн мөчлөг дуусна. 2005 YU55 гэдэг сүүлт одтой мөргөлдөж дэлхий сөнөнө.

2012 он. Нарны том дэлбэрэлт болно, дэлхий тойрог замаасаа гарна, “Тэг зурвас”-т орно гэсэн янз бүрийн таамаглал бий.

2013 он. Аймшигт шүүхийн өдөр. Хүн төрөлхтний төгсгөлийн болон эхлэлийн өдөр. Хүмүүсийн хувьд үхэж, бурхан төрнө.

2014 он. Одон орны физикчдийн үзэж байгаагаар манай нарны аймгийн системд сансрын асар их тоос бүрхэж гэрэл гэгээ  байхгүй болно.

2015 он. 9576 оны мөчлөгөөр ертөнцийн төгсгөл болж бүхий л соёл иргэншил устаж үгүй болно.

2016 он. Цаг агаар судлаач Жеймс Хансенхаар энэ онд мөсөн уул, голууд хайлж дуусан хуурай газрууд усанд автаж живэх юм байна.

2017 он. Иерархийн гамшгийн онолоор ертөнцийн төгсгөл энэ онд тохиох гэнэ.

2018 он. Аугаа их зөнч Нострадамусынхаар бол энэ онд цөмийн дайн болох аж,

2019 он. 2002 NT7 гэдэг сүүлт одтой мөргөлдөнө.

2020 он. Иоанн Богословын урьдчилан хэлснээр Исаак Ньютон ертөнцийн төгсгөлийг яг энэ онд тохионо гэсэн байна.

Ингээд энэ цуваа үргэлжлээд байх бололтой. Аль МЭӨ 400-аад онд ингэнж л ярьцгааж байсан. Тэр бүгд нь бололгүй өнөө хүрч. Тэгээд ч тэр үед ертөнцийн төгсгөл болоогүй бол бид өнөөдөр юун, ямар ертөнцийн төгсгөлийн тухай ярьж суух билээ. Үүн лүгээ хэдхэн хоногийн дараа өнөөх төгсгөл нь тохивол 2015, эсвэл 2020 онд бас юун, ямар ертөнцийн төгсгөл тохиох билээ дээ.