Энэ сарын 21-нд ертөнцийн төгсгөл болно гээд итгэчихсэн хүмүүс бас байна аа. Яг л манайхан монгол гэр, лаа худалдан авдаг шиг газар газрын хүмүүс янз бүрээр л бодож, худалдаа наймаа эрхлэгчид ч түүнд нь тохируулан ашиг олж байгаа юм байх. Гэтэл зүгээр ч нэг эд бараа худалдаад авах биш бүр их хөрөнгө заран бэлтгэж байга ахүмүүс байна цаана чинь.
Газар гэр
Найдвартай хоргдох байр, газар гэр л ертөнцийн төгсгөлөөс аварна гэж үзэж байгаа хүн бол оросын Казань хотын “Спецгеопроект” компанийн захирал Данил Метров, Андреев хоёр. Тэд 20-30 метрийн гүнд төмөр бетонон газар гэр барьж. Энд ганц 12 дугаар сарын 21-нийг ч биш хэдэн жилийг өнгөрүүлж болно гэнэ. Энэ байгууламжаа 500 мянган ам.доллар заран байж барьжээ. Тэгэхээр амралтын өрөө, чийрэгжүүлэлтийн төв, ер юм бүхэн бий. Эднийх ийм газар гэр долоог байгуулж борлуулсан ч авсан эздийг нь нууцалж байна. 
Бөмбөлгөн хоргодох байр
Хятадын нийслэл Бээжингээс холгүй орших нэг тосгоны иргэн Лу Женхай дэлхийн сүйрлийн тухай “2012” гэдэг кино үзээд амьд үлдэхийн тулд аюул гамшгийг айхгүй даван туулах жинхэнэ сууц бэлтгэхээр шийдэж. Цэвэр гангаар яс зангидаж хийсэн энэ бөмбөлгөө долоог хийжээ. Хамгийн гол нь хоёр жилийн хугацаанд тэр 160 орчим ам.доллар буюу нэг сая юань зарцуулсан байна. Гэхдээ тэрээр үүнийг нь улс бүртгэж аваад хожим цунами, газар хөдлөлийн үед ашиглах байх гэж найдаж байгаа гэнэ. Энд нь 14 хүн элбэг багтах юм байна. 
“Түргэний чемодан”
Манай гаригийн олон оронд Ертөнцийн төгсгөлд зориулсан худалдаа эхэлчихэж. Яг л манайхан монгол гэр, лаа худалдаж авдаг шиг. Мексик, Орос, Украйны наймаачид бүр дээр үеийн цэргийнхний түгшүүрийн чемодан шиг байх ёстой зүйлүүдийг бүрдүүлсэн цуглуулга худалдаж байна. Энд нь тэмдэглэлийн дэвтэр, үзэг харандаа, шүдэнз, шоколад, цаасны хутга, жижг шилтэй дарс, томхон савтай цэвэр ус, асаагуур зэрэг байгаа гэнэ. Оросуудын бэлтгэсэн цуглуулгад ойр зуурын эм, олс, барааны саван бий гэнэ. Украинчууд бас энд тэндгүй загалмай, шүтээн зарж байгаа юм байх.
