Онгоц галт тэрэгний буудалд, магадгүй эмнэлгийн хүлээх танхимд, эсвэл олон хүнтэй галт тэргэнд нойр чинь тэсэлгүй хүрч байсан ч суугаагаараа тухтай унтаж болохгүй толгой чинь санжигнаад, нөгөө бол хүмүүс шуугилдаад амар заяа үзүүлэхгүй байх нь элбэг. Үгүй тэгээд өдөн дэр сугавчлаад явж байлтай биш дээ. Тэгвэл испанийн загварын Kawamura-Ganjavian студи хаана ч авч явахад авсаархан, тэгсэн атлаа орчноосоо хамааралгүйгээр тухтайхан унтаж болох дэр зохион бүтээснийгээ “Тэмээн хяруул” гэж нэрийджээ. 
Та энэ дэрээ ёстой хаана ч, галт тэрэгний буудал, албан өрөө, энд тэндэхийн хүлээлгийн танхим, автобусанд хэрэглэж болно. Энэ дэрийг зөөлөн дпаавуугаар урлаж дотор нь жижгхэн бөмбөлгүүдээр дүүргэжээ. Ийм тийм хүн хэрэглэж болохгүй гэх юм уу, хэрэглэх заавар энэ тэр ердөө ч хэрэггүй. Маш энгийн. Нойрсоход чинь садаа болохгүйн тулд нүд чинь харанхуйд, харин агаар амьсгалах нээлхий бэлэн. Гараа дэрлэж унтмаар бол чихнээс арай дээгүүр байх нүхээр гараа хийж болно. Амарчихмаар аятайхан цагаа дэмий өнгөрөөхгүй 
