Б.АЛТАНГЭРЭЛ
“Пуужин Баяраа” тоглолт энэ сарын 14- нд Төв цэнгэлдэх хүрээлэнд зохион байгуулагдах талаар мэдээллээ. Энэхүү тоглолтыг өнгөрсөн гуравдугаар сараас хойш бэлтгэж буй. Түүнчлэн артист Rocketbay өөрийн дөрөв дэх цомог болох “Odissey”-г гаргасан бөгөөд энэ нь нийт есөн дуутай юм. Тоглолтын ерөнхий найруулагчаар Г.Тамир ажиллах аж. Тайзны зохион байгуулалтын хувьд өмнө Төв цэнгэлдэх хүрээлэнд өмнө нь засагдаж байсан тайзнуудаас ялгаатай. Тухайлбал, "Пуужин Баяраа" тоглолтын тайз 23м хүртэл өндөр бөгөөд артист болон бүжигчдэд оногдох талбай том гэдгээр давуу талтай. Дуучин Rokitbay “Odissey” бол миний дөрөв дэх цомог. Энэ үг маш том адал явдлыг илтгэдэг. Зүгээр нэг энгийн адал явдал биш. Энэ нь ээдрээт бүхнээс ямар нэгэн зүйлийг олж авсныг болон ухаарлыг илтгэдэг. Уг цомог нь миний амьдралдаа мэдэрсэн зүйлсийг өгүүлдэг. Тоглолт ч мөн адил сансрын талын фантастик адал явдлын хэв маягтайгаар зохиогдоно" гэлээ. “Odissey” цомог болон тоглолтын хөгжмийн найруулагчаар продюсер Б.Наранзун ажиллаж байна. Б.Наранзун "Анх гурван жилийн өмнө “Хязгааргүй” гэх дуунд хамт ажилласнаар танилцсан. Миний хувьд өмнө нь хип поп жанрын артисттай ажиллаж байгаагүй. Энэ удаад бүтэн цомгийн хувьд хамтарч ажиллаж байгаа нь хип поп урлагийг ойлгох, дан хөгжим гэлтгүй дуугаралт, түүх өгүүлж байгаа учир түүнтэй уялдах гэх мэт маш олон зүйлийг сурч авлаа. Тоглолтын хувьд бүх дуучид амьдаар дуулна. Бид дуучидтайгаа сар гаруй хамтран ажиллаж өнөөдөр жигдэрч байна. Илүү амьд тоглолт хийхийг хичээлээ" гэв. Тоглолтын ерөнхий зохион байгуулагч Г.Анхбаяр "Сүүлийн 30 гаруй цагийн дотор тасалбар зарагдаж дуусах төлөвтэй байна. Тоондоо хүрээд тасалбар дууссан тохиолдолд нэмж гаргахгүй. Бусад хүмүүсийн саналыг харгалзан үзэж 16 болон түүнээс дээш насны хүмүүс орно. Харуул хамгаалалтын тоог өмнөх тоглолтуудаас 30 хувиар илүү нэмэгдүүлсэн. Иймд үзэгч та бүхнийг соёлтой оролцохыг уриалж байна” гэлээ. Тоглолтод урилгаар Monku & Uyangaa, BO /RECON хамтлагийн гоцлол дуучин, Magnet Brain, Enkh𝐱 Erkhem, davaidasha, Хонх хамтлаг, Trishna зэрэг уран бүтээлчид оролцох аж.
Эх сурвалж: www.polit.mn
